Tag Archive for: Cultura Carral

Cartel Noite de Película 2020O ciclo anual Noites de película que organiza a Concellería de Cultura do Concello de Carral, coa colaboración da Rede Cultural da Deputación da Coruña, volve esta semana con dúas películas de gran éxito.

Bohemian Rhapsody, o biopic sobre Freddie Mercury e o seu grupo Queen é a película que se ofrecerá o martes 1 de setembro, mentres que o thriller Quien a hierro mata presentarase o mércores 2 de setembro.

Ámbalas proxeccións comezarán ás 22:00 h.

Durante as películas é obrigatorio o uso da máscara e manter a distancia de seguridade.

Cartel Cociña Entroido 2020.A Concellería de Cultura ofrece un novo obradoiro de tres horas para aprender receitas que aproveitan a moita comida que sobra durante as celebracións do Entroido.

O curso será impartido polo chef Diego Pita no Centro de Formación Antón Fraguas os días 17 e 19 de febreiro.

Para máis información e inscricións, as persoas interesadas deberán dirixirse á Casa da Cultura.

As prazas son limitadas.

A segunda sesión do ciclo de películas documentais galegas que acolle a Casa da Cultura, será presentada polos directores do documental Estruturas. Pel contra pel, Xosé Bocixaestrutura 15x844 e Paco Gallego. A proxección comezará ás 20:30 h. O aforo é limitado.

Este documental analiza como ten sido a intervención do ser humano coas súas construcións na paisaxe galega e cal é o resultado que actualmente vivimos.

Unha vez finalizada a proxección do documental, os autores do filme manterán un coloquio cos espectadores.

FOTO CARRAL-Carral inaugura este sábado su Ciclo de Teatro de Outono con nueve obras de todos los géneros

O Concello de Carral inaugurará esta fin de semana o seu Ciclo de Teatro de Outono, un evento anual que crece, ano tras ano, en cifras de asistencia. O programa da nova edición conta con nove funciones teatrais moi diversas. Así, ao longo do ciclo, haberá representacións para todos os públicos e con temáticas moi diversas. A maioría das obras están enmarcadas dentro da Rede Cultural da Deputación da Coruña. Unha delas, Iriña Bailarina (Teatro dúas Gazafelhos), realizarase a través da Rede de Dinamización Lingüística da Xunta de Galicia.

O grupo Charamusca Teatro, natural de Carral, dará o pistoletazo de saída mañá, sábado 19 de outubro ás 20.30 horas, no Local Social Xente Nova de Tabeaio. Farao coa estrea O convidado, unha comedia dirixida por José Leis.

Xurxo Cortázar tomará a substitución unha semana despois, o 26 de outubro, co seu espectáculo Desconexión –Local Social Xente Nova de Tabeaio, 20.30 horas-. O humor e a reflexión mestúranse nesta obra, que relata a historia dun boneco de semáforo.

A compañía O Aturuxo de Melpómene aterrará o 2 de novembro ás 20.30 horas no local de Tabeaio. Nesta ocasión, a agrupación subirase ao escenario con Algo pasa con Paco, unha comedia de maxia e enredos na que Paco, o protagonista da historia, aprenderá que a vida non só é branca ou negra, senón que está chea de cores.

Chévere traerá, o sábado 16 de novembro, a súa obra Fillas Bravas, na que as mulleres cobran un papel protagónico. Así, a través da música da pandeireta e das súas propias voces, tres mulleres contarán historias ao público asistente. Unha vez máis, a representación terá lugar no Local Xente Nova de Tabeaio ás 20.30 horas.

Teatro Atlántico deleitará aos veciños e veciñas coa súa obra Dúas donas que bailan o sábado, 23 de novembro, ás 20.30 horas en Tabeaio. A través desta función, a compañía fará reflexionar ao público sobre a situación das persoas maiores que viven soas: a súa relación cos seus coidadores e coidadoras e a súa forma de ver a vida, entre outros aspectos.

O Teatro dous Gazafelhos traerá o seu espectáculo Iriña Bailarina o domingo, 24 de novembro, ás 12.00 horas ao Toñito Espiñeira. Esta función está dirixida ao público infantil e familiar.

Andaravía Teatro chegará a Tabeaio coa súa comedia República de Gundián. A cita está prevista para o sábado, 30 de novembro ás 20.30 horas, no Local Xente Nova de Tabeaio.

O sábado, 7 de decembro, Cayetano Lledó regresará a Carral con Le Cirque –Local Xente Nova de Tabeaio, 20.30 horas-. Durante a función, Lledó mesturará a maxia e unha posta escénica en grao sumo espectacular para representar a diferentes personaxes que forman parte dun circo.

Baobab Teatro será a encargada de pechar o Ciclo de Teatro con Puño Puñete. Esta función está dirixida ao público infantil, e levará a cabo o sábado, 14 de decembro ás 19.00 horas, no Local Xente Nova de Tabeaio.

O acceso para asistir a calquera destas funcións é libre e gratuíto. Rógase, iso si, puntualidade para acudir ás representacións teatrais.

 

Cartel Ciclo de Teatro de Outono Carral

Cartel Ciclo de Teatro de Outono Carral

A compañía galega Larei Lará presentou o xoves 10 de outubro o espectáculo Brancaneves e os 7 para nenas e nenos de educación infantil de Carral e Tabeaio. Con esta función iniciouse o programa do festival Galicreques en Carral.

Brancaneces o os sete - Carral 2019 (1)

 

 

A segunda e última función de Galicreques terá lugar o vindeiro domingo, ás 18:00 h, no local Xente Nova de Tabeaio. A compañía A Xanela do Maxín ofrecerá a posta en escena do coñecido conto A toupiña que quería saber quen lle fixera aquilo na cabeza, para idades superiores aos 2 anos de idade. A toupiña saía do seu tobo e algo lle caeu na cabeza, a modo de pucho cheirento. Daquela, percorrerá a granxa investigando -moi indignada- cal dos animais que alí viven lle fixera semellante agravio: a pomba, o cabalo, a lebre… É Unha obra simpática e escatolóxica que provoca gargalladas e fai que os espectadores empaten coa toupiña, ferida no seu orgullo.

Galicreques supón a antesala ao ciclo de outono de teatro que comezará a vindeira semana coa obra Convidado do grupo carralés Charamusca.

Ciclo de Cine Concello Carral

O Concello de Carral estrea, esta semana, o seu Ciclo de Cine de outono, que conta cun total de nove films. Todas as películas proxectaranse os venres ás 20.30 horas na Casa da Cultura de Carral, onde se celebraron, ata a data, 20 ciclos de cinema coas mesmas características. Como noutras ocasións, a oferta fílmica conta con propostas de todos os xéneros. Como parte da programación, o Concello ofrece algúns títulos premiados cun Óscar, unha cinta galega (Dhogs) e unha española (Perfectos desconocidos).

Este novo ciclo arrincará con La forma del agua, que se proxectará mañá, venres 11 de outubro. A programación continuará o 18 de outubro con Perfectos desconocidos. Dhogs tomará a substitución o 25 de outubro, e, a continuación, será a quenda de Bohemian Rhapsody, que se emitirá o 8 de novembro. O programa seguirá con Manchester frente al mar o 15 de novembro, e o día 22 con First man (El primer hombre) e, como broche final ao mes de novembro, será a quenda de Infiltrado en el KKKlan o venres 29 de novembro. No mes de decembro proxectaranse as películas El instante más oscuro (13 de decembro) e El Grinch (20 de decembro).

A entrada é gratuíta pero as prazas son limitadas. Así, os interesados en visionar calquera dos filmes deberán retirar as súas entradas previamente na Casa da Cultura.

 

Ciclo de Cine Concello Carral

Ciclo de Cine Concello Carral

Sinatura do convenio entre José Luis Fernández Mouriño e Matilde Gestal Castro
O alcalde de Carral, José Luis Fernández Mouriño, asinou un convenio coa familia de José Gestal, popularmente coñecido como ‘Cardoña’ para que sexa o Concello o que custodie e conserve parte do material que utilizaba o fotógrafo.
O acordo fíxose efectivo o venres 21 de decembro coa firma do documento de cesión por parte do rexedor carralés e da filla do fotógrafo, Matilde Gestal Castro.
Esta cesión permitirá difundir a obra de ‘Cardoña’ e dos fotógrafos da súa xeración, mantendo así vivo o recordo de José Gestal, coñecido por todos como o fotógrafo do municipio. Así mesmo, o Concello prevé promover actividades que difundan o valor da fotografía dos tres primeiros cuartos do século XX. Este acordo terá unha vixencia de 15 anos que se poderían prorrogar ata un máximo de 25.
Como parte do material cedido polos familiares hai numerosos modelos de cámaras, empuñaduras, lentes, obxectivos, varios tipos de flash, cables disparadores e, en xeral, unha infinidade de dispositivos que Gestal utilizaba para retratar Carral e aos veciños do municipio.
Sinatura do convenio entre José Luis Fernández Mouriño e Matilde Gestal Castro

O alcalde e a concelleira de Cultura xunto coa familia de ‘Cardoña’ 

Recuperando a historia
O Concello de Carral traballa, desde hai anos, para recuperar imaxes antigas do municipio para crear un arquivo dixitalizado e difundir actividades que dean a coñecer o labor de Cardoña. Este esforzo materializouse a través do proxecto ‘Fotos para as mil historias de Carral’, composto por decenas de instantáneas de décadas pasadas, recoñecido hai uns meses como un exemplo de Boa Páctica de Xestión Cultural.

 

Cultura Carral cuentacuentos Os contos do chupete

As sesións de contacontos regresan a Carral. A compañía de teatro Migallas presentará mañá, venres 28 de setembro,

‘Os contos do chupete’, dirixida a nenos de entre 0 e 3 anos. Esta función integra música en directo, literatura infantil e tradición oral para que os pequenos da casa poidan gozar e participar activamente nesta proposta. A sesión terá lugar mañá ás 17.00 horas na biblioteca infantil, situada na rúa do Castro.