Tag Archive for: carral

Entre o 4 e o 24 de febreiro está aberto o prazo para inscribirse nos cursos preparatorios para a obtención das certificacións de lingua galega Celga 1, Celga 2, Celga 3 e Celga 4.

Para a área de Carral a oferta dispoñible é a seguinte:

– Presencial ….. Celga 4: Escola Oficial de Idiomas da Coruña

– Teleformación:

– 3 cursos a nivel Galicia ………. Celga 1

– 1 curso a nivel A Coruña ……. Celga 2

– 2 cursos a nivel A Coruña ….. Celga 3

– 5 cursos a nivel A Coruña ….. Celga 4

Máis información no Portal da Lingua Galega –https://www.lingua.gal– ou no Servizo Municipal de Normalización Lingüística (Casa da Cultura – 981 672 580).

O taller, que desenvolve a entidade cultural BenCuriosa, está especialmente pensado para as persoas vinculadas a asociacións e colectivos do concello.

O vindeiro 3 de marzo comeza o obradoiro Construímos un relato. Un taller que se desenvolverá integramente en liña e que ten como obxectivo facilitar un contexto de experimentación en equipo en torno á creación de contidos dixitais vinculados ao territorio e á súa veciñanza.

O obradoiro, que se inclúe no proxecto Laboratorios Dixitais de Creación Dixital, conta con financiamento da Deputación da Coruña e a colaboración da área de Cultura do Concello, e é de carácter gratuíto.

Está especialmente pensado para persoas vinculadas ao tecido asociativo de Carral con interese por incorporar as posibilidades que ofrecen as canles e ferramentas dixitais ás súas entidades.

Construímos un relato ten como obxectivo que as participantes xeren contidos dixitais a partir de coñecementos, vivencias, patrimonio, veciñanza… do territorio, explorando as posibilidades que ofrecen os formatos interactivos e desenvolvendo un proxecto en común.

O obradoiro ten un enfoque práctico e combinará pequenos contidos teóricos cun acompañamento  no desenvolvemento do proxecto con tres sesións en liña ás 18:30, os días 3, 10 e 24 de marzo.

Ten un máximo de 20 prazas que se adxudicarán por un criterio estritamente cronolóxico. As persoas interesadas en participar deben cumprimentar este formulario antes do 12 de febreiro.

Acción de guerrilla: crea a túa contracampaña publicitaria!

Os Laboratorios Itinerantes que desenvolve BenCuriosa ofrecen un segundo obradoiro, neste caso non só en Carral, senón que é común a todos os concellos da provincia da Coruña que participan no proxecto.

Trátase de Acción de guerrilla: crea a túa contracampaña publicitaria!,  unha proposta facilitada pola produtora creativa Illa Bufarda, especialmente dirixida a persoas e entidades con espírito crítico e activista, vinculadas á sensibilización ou defensa de colectivos, espazos e contextos vulnerables.

Este obradoiro ten como obxectivo que as participantes  acaden -e poñan en práctica, a través dunha acción colectiva- os coñecementos e destrezas necesarios para desenvolver unha campaña (de comunicación, divulgación, concienciación,…) en base aos criterios da contrapublicidade.

Para isto combinará dúas sesión en liña de 45’ de duración e contidos teóricos en formatos sinxelos audiovisuais, así como propostas prácticas.  As participantes contarán co apoio e titorización da equipa de Illa Bufarda en todo o proceso. As datas das sesións en liña serán o 4 e o 25 de marzo ambas ás 18:30.

Igual que no caso anterior, o obradoiro ten un máximo de 20 prazas que se adxudicarán por un criterio estritamente cronolóxico. As persoas interesadas en participar deben cumprimentar este formulario antes do 12 de febreiro.

É posible inscribirse nos dous obradoiros. Se quixerades máis información, podedes dirixirvos a ola@bencuriosa.gal, onde vos aclararán o que precisedes.

Preme aquí para descargar máis información.

O departamento de Cultura ven de facer público o informe de avaliación do ciclo Teatro de Outono de Carral. Este tipo de documentos realízanse co fin de valorar o deseño e execución dos principais eventos da programación cultural municipal, dentro do proceso de mellora continua que ten establecido o servizo de Cultura.

O informe, elaborado polo técnico municipal de Cultura, Carlos Lorenzo, recolle os principais datos obtidos das enquisas que atenderon as persoas que asistiron aos espectáculos, así como outros datos manexados na xestión do programa teatral.

Entre as conclusións máis salientables están as de que a puntuación media concedida ás obras polo público foi de 4,2 sobre un máximo de 5 puntos; que houbo un alto índice de asistencia, as mulleres son maioritarias entre o público; 6 das 8 funcións encheron o aforo dispoñible; ou que o Facebook e a web municipal foron os medio máis efectivos para dar a coñecer a programación.

Ao informe pódese acceder premendo aquí.

O ciclo Elas Son Artistas pasa esta fin de semana por Carral cun obradoiro de pintura mural e co concerto de Lau, cantante do veciño concello de Cambre.

O obradoiro de pintura mural levarase a cabo durante o sábado e o domingo materializándose nun mural na Piscina de Paleo. No mesmo recinto, ás 18:00 h. do domingo, Lau ofrecerá unha actuación mentres as mozas do obradoiro rematan a súa obra.

Para o concerto recoméndase a reserva de convites chamando ata as 20:00 h. de hoxe venres ao 981 672 580.

Senior - esgotadasTeatro de Outono de Carral ofrece este sábado a produción de Culturactiva Sénior en Tabeaio. O espectáculo protagonizadCARTEL-LOLOEMAMA-CARRALo por Luis Iglesia e Marcos Orsi esgotou xa todas as entradas.

Sénior é un espectáculo no que dous homes describen as situacións que padecen por estar a sufrir a crise dos 50.

As próximas funcións do ciclo de teatro son Loló e mamá da compañía De Ste Xeito Producións, que terá lugar o 5 de decembro, e Cartoons, unha obra para toda a familia de Producións Teatrais Excéntricas que pechará a programación teatral o 12 de decembro. Para cada función hai que reservar convites chamando ao 981 672 580 a partir do luns da semana na que se programa o espectáculo.

INSTALau-01A concellería de Cultura do Concello de Carral ofrece diversas propostas culturais desde o mércores ata o domingo desta semana.

A escritora Emma Pedreira visitará este mércores o Club de Lectura da Biblioteca municipal para comentar coas súas participantes sobre o proceso creativo na escrita de poesía, centrando a atención na súa obra Libro das mentiras co que gañou o premio Concello de Carral no ano 2011.

Os ratos da biblioteca de Trinketrinke volven este xoves para ofrecer a nenas e nenos de 5 a  8 anos de idade o seu contacontos teatral Aprendendo a querer, que aborda o tema da saúde afectiva. A sesión terá lugar na Casa da Cultura ás 18:00 h.

O programa Cine na Casa da Cultura presenta o venres, ás 20:30 h. o filme galego Eroski Paraíso, producida a partir da exitosa obra teatral homónima da compañía Chévere e protagonizada por Miguel de Lira e Patricia de Lorenzo. Conta distintas historias reais ocorridas na sala de festas “Paraíso”, que funcionou en Muros ata o ano 1990 e que logo foi convertida nun supermercado.

Teatro da Ramboia trae o sábado a Tabeaio O meu mundo non é deste reino, unha obra teatral baseada no texto de Manuel María e que se presenta en Carral grazas ao convenio que o Concello ten coa fundación do autor chairego. O espectáculo comezará ás 20:30 h.

Durante a fin de semana a Casa da Cultura e o pavillón do Espiño acollerán o ciclo Elas son artistas que se ven desenvolvendo na Coruña e nos concellos da súa área metropolitana. En Carral a actividade consistirá por unha banda na realización dun mural a cargo dun grupo de mozas e nun concerto de Lau, unha xove cantautora de Cambre que está a sorprender pola súa calidade artística en todos os concertos que leva feito. A súa actuación terá lugar no pavillón municipal ás 18:00 h. do domingo, mentres as participantes no obradoiro de pintura rematan o mural ao seu carón.Eroski_Para_so-342605765-large

Para todas as actividades é necesario inscribirse no teléfono da Casa da Cultura 981 672 580, dadas as limitacións de aforos e para garantir as medidas sanitarias que axuden a evitar os contaxios do coronavirus. Todas as sesións rematarán coa antelación suficiente para poder respectar as limitacións de movilidade fixadas polo estado de alarma.

 

 

xiganteIMG_4394A Biblioteca municipal organiza para os vindeiros días dúas actividades para a infancia. A primeira é un obradoiro de escrito titulado Nós escribimos a historia, no que rapaces maiores de 9 anos terán ocasión de divertirse mentres aprenden a escribir un pequeno relato que poderán ver editado nun fancine ao final da actividade. Este obradoiro terá lugar o sábado 3 de outubro entre as 11 e as 13 h.

A compañía teatral Elefante Elegante ofrecerá o contacontos O Xigante, no que a narración oral está acompañada polo teatro xestual e pola constante presenza da música. Está dirixido a idades de entre 3 e 8 anos e terá lugar o luns 5 de outubro ás 18:00 h.

Ámbalas dúas actividades terán lugar na biblioteca da Casa da Cultura e conta con limitación de prazas, polo que é necesario inscribirse previamente chamando ao 981 672 580. As dúas sesións, incluídas no programa Ler conta moito da Rede Galega de Bibliotecas, organízanse coas máximas medidas preventivas do Covid19.

portada Talabarte lowO ciclo de concertos Músicas Íntimas, concertos na Piscina chega esta fin de semana á súa quinta edición coa participación de Talabarte e Las Antonias.

Fake é o título do concerto de Talabarte, que coas súas músicas do mundo ocuparán o escenario o sábado. Pola súa banda Las Antonias actuarán o domingo co seu espectáculo Boleros e outras delicias. Os concertos comezarán ás 22:00 h.

O aforo está limitado polas exixencias sanitarias, polo que é necesario solicitar convites chamando á Casa da Cultura ao 981 67 25 80 antes das 12:00 h. do venres. No caso de choiva os concertos trasládanse á Casa da Cultura limitando a asistencia aos primeiros 25 convites.

Talabarte está formado por Quim Fariña, Kin García e Pedro Pascual, nomes intimamente vencellados con grandes proxectos da música galega coma Berrogüetto ou Marful e tamén con prestixiosos músicos de jazz coma Jorge Pardo, Walter White ou Steve Brown. Tras publicar o seu primeiro traballo discográfico, recibiron grandes eloxios de crítica e público, levando a súa musica por teatros, auditorios e festivais da Península Ibérica, Bretaña, Serbia… Fake saíu en 2016 con ilustracións de Pablo Xiráldez “O Pastor” e textos de Carlos Meixide acompañando músicas inspiradas por esas historias que non se sabe canto teñen de real e canto de mentira.Las Antonias Trío 2

Las Antonias nacen en 2015 na Sala Mardigras da Coruña cando dúas compañeiras de baile, das que queiman pista, decídense a montar unha banda feminina. Toma forma coa necesidade de devolverlles ás cancións de toda a vida, o empoderamento que as mulleres se merecen. Destripan boleros, tangos e outras delicias fundindo as súas voces entre guitarra, escobillas, melódica e un  fagot atopado. Introdúcennos con histriónico pracer no seu mundo Antoñil para facernos sentir e saber que todos somos Antonias e Antonios. Elas son Antonia Le (Ana Le), Antonia Colorees (Mamen  Bazarra) e Antonia  Pentagramas (Elena García-Fresca).

Músicas Íntimas conta co apoio de Agadic e a Deputación da Coruña.

A Concellería de Cultura do Concello de Carral está a levar a cabo un proceso minucioso de avaliación do seu premio de poesía en particular e dos certames galegos en xeral.
Ademais das conclusións obtidas coa análise dos datos do premio de Carral e de máis de 250 enquisas, o estudio completarase coas achegas de representantes de diversos colectivos implicados no sistema literario. Estas achegas terán lugar na xornada en liña que terá lugar o martes 14 de xullo ás 17:30 h, co seguinte programa:

Imaxe convite Xornada premios poesía con link.A sesión poderase seguir en directo en https://youtu.be/4a80OCFFANc

 

 

Máis de vinte persoas realizaron hoxe unha andaina por un dos treitos do Camiño Inglés de Santiago que transcorre polo municipio de Carral, co fin de reactivar esta ruta xacobea. A andaina comezou na área de descanso de peregrinos da Lameira, en Tabeaio, e rematou en Cañás

A andaina foi unha iniciativa da Asociación de Concellos do Camiño Inglés que pretende animar a peregrinar a Compostela por este roteiro, despois de que permanecera  pechado pola pandemia do Covid-19. Os alcaldes da asociación participaron nun acto en Sigüeiro (Oroso), no que tamén estivo o de Carral, Javier Gestal, mentres que outros membros do equipo de goberno, coordinados pola concelleira de Turismo, Lucía Vázquez, participaron no percorrido por Carral.

Andaina Camiño Inglés Carral - 2020 - 14w Andaina Camiño Inglés Carral - 2020 - 03w Andaina Camiño Inglés Carral - 2020 - 07w Andaina Camiño Inglés Carral - 2020 - 09w