Tag Archive for: carral

O departamento de Cultura ven de publicar o informe de avaliación do ciclo Teatro de Outono de Carral do 2021, no que destaca o dato de crecemento de asistencia de espectadores con 73 persoas de media por función. As mulleres seguen sendo maioría entre o público, e son as parroquias de Tabeaio e Carral as que achegan a maioría dos espectadores.

Ao igual que se fixo na edición do 2020, os asistentes colaboraron no proceso de avaliación, atendendo cuestionarios en liña nos que responderon a preguntas sobre as obras. Solicitábaselles, entre outras, que indicaran a puntuación que lle concedían aos espectáculos, obténdose unha media de 4,1 dun máximo posible de 5 puntos, o cal supón unha alta cualificación da programación teatral.

Pódese consultar o informe completo premendo aquí.

 

BOLETÍN DE INSCRICIÓN

Datas: do 22 de decembro ao 5 de xaneiro.

Horario: de 7.30 a 16.00 h (consultar tramos horarios)

Destinatarios: nenos/as de entre 3-15 anos

Prazas: 80

Prazo de inscrición do 1 ao 17 de decembro a través do mail casadacultura@carral.es

Prezo: 35 €

+ Info na Casa da Cultura de Carral (981.67.25.80)

Decreto de aprobación do protocolo Covid-19 para as instalacións deportivas e culturais

Unha vez rematado o prazo de inscrición
no CAMPAMENTO DE MEDIO AMBIENTE E RECICLAXE,
que se celebrará entre o 9 de agosto e o 3 de setembro, publícanse a listaxe das solicitudes admitidas:

Unha vez rematado o prazo de inscrición
nos CURSOS DE NATACIÓN DO MES DE AGOSTO, que
se impartirán entre o 2 e o 31 dese mes, publícase a LISTAXE das solicitudes admitidas

Na edición de xullo son máis de 30 nenos e nenas os que participan nesta actividade.

O concello de Carral acaba de convocar os cursos de natación para o mes de agosto para nenos e nenas de entre 3 e 15 anos.  As datas previstas para estes cursos serán desde o 2 ao 31 de agosto.

Debido á situación sanitaria, as prazas ofertadas para esta actividade son de 30, divididos en dúas quendas de 15 alumnos/ as. Ao mesmo tempo en cada quenda estableceranse dous grupos burbulla, un de iniciación e outro de perfeccionamento, de forma que sexa posible o mantemento das distancias interpersoais de seguridade.  Todo iso baixo un estrito paraugas dun protocolo Covid-19, de acordo coa normativa sanitaria vixente. 

As clases terán lugar entre as 12.00 e as 14.00  h segundo os grupos, e serán impartidas por monitores especialistas, cunha duración de 45 minutos por sesión de luns a venres, sempre coa presenza dun socorrista. O prezo do curso completo será de 28 €/alumno.   

O prazo de inscrición prolongarase desde o 15 ata o 28 de xullo, e aqueles interesados poderán deberán acudir ao Centro Deportivo de Carral, (tlfo. 678 33 88 47), ou en complejo.deportivo@carral.es.

No decreto 58/2021, do 10 de febreiro de 2021, o sr. alcalde resolve aprobar as bases e iniciar o procedemento de contratación dun/ha traballador/a para o departamento de servizos sociais do Concello de Carral: categoría profesional de traballador/a social, xornada completa, modalidade contractual de interinidade ata a incorporación da titular do posto.

Para participar no procedemento, ao abeiro do recollido no punto 4 das bases, os/as interesados/ as poderán facelo segundo o modelo que se adxunta coas bases no prazo de cinco días hábiles contados a partir da publicación do anuncio da convocatoria no taboleiro de anuncios e na web do Concello; isto é, desde o 15 de febreiro ao 22 de febreiro (5 días hábiles).

Máis información no servizo de Persoal do Concello de Carral en horario de 9 a 14 horas.

Ver DECRETO

Ver BASES DE CONTRATACIÓN TRABALLADOR/A SOCIAL

O departamento de Cultura do Concello de Carral ven de facer público o informe de avaliación da súa programación de actividades do 2020. Evidentemente os índices de asistencia víronse diminuídos pola pandemia, mais o compromiso adquirido para evitar cancelar actividades culturais púidose manter con case a totalidade da programación.

O informe lanza varias conclusións entre as que salientan que a tendencia ascendente dos niveis xerais de asistencia que se viñan producindo ata o 2019, viuse modificada pola pandemia do Covid-19, aínda que cunha redución moito menor (31%) do que podería ser previsible; que a festa do Entroido foi o evento con maior participación de público; que a metade das actividades ofertadas foron de artes escénicas e de audiovisuais; que as actividades infantís notaron un gran descenso de público; e que o último cuadrimestre concentrou tres cuartas partes da programación.

No pasado ano fixéronse por primeira vez varias accións de xeito on line, como foi un contacontos, obradoiros de macramé ou de cabazas de Samaín, un concerto, así como a emisión da xornada sobre os certames galegos de poesía.

A avaliación recolle tamén novos indicadores para valorar os obxectivos do departamento. Así, aplicouse unha clasificación ás actividades segundo o seu nivel de promoción da igualdade de xénero, obtendo niveis satisfactorios, aínda que con marxe de mellora.

As limitacións dos aforos impediu obter mellores cifras de espectadores. Aínda así, o departamento de Cultura maniféstase moi satisfeito polos niveis de asistencia de público. O compromiso adquirido no pasado abril polo Concello de Carral coa cultura, supuxo buscar novas fórmulas na oferta local, adoptando en todas as actividades estritas medidas sanitarias que garantisen a seguridade do público ante o Covid-19. A inquedanza sempre foi a saúde das persoas participantes e que o sector cultural se vira afectado o menos posible pola pandemia.

Abrir o informe de avaliación da programación cultural 2020

A pandemia esta a cambiar as nosas vidas e o Entroido e outra das nosas representacións culturais que se vai ver afectado.

Desde a Concellería de Cultura non queremos que unha das nosas tradicións máis arraigadas quede este ano no esquecemento. E para iso organizase desde este departamento un concurso “virtual” aos mellores disfraces choqueiros deste Entroido 2021 de Carral.

Para participar tes que enviarnos unha imaxe disfrazado/a de choqueiro/a a cultura@carral.es ou un whatsapp ó 674 793 475. indicando o título, un teléfono de contacto, e o nome, apelidos e idade de todos/as os/as participantes que aparecen nela.

Poderán participar todas aquelas persoas residentes no concello de Carral. Os menores de idade que participen no concurso deberán enviar a correspondente autorización, que atoparedes premendo aquí.

A participación pode ser individual ou grupal, e sempre respectando as restricións actuais pola Covid-19, polo que na imaxe só poden aparecer persoas convivintes.

Deberase detallar ademais, que é actual e do ano en curso, mediante algún elemento visible na propia imaxe (calendario, papel coa data, etc.), e non se admitirán aquelas nas que se promovan mensaxes violentas, sexistas, denigrantes ou ofensivas.

O derradeiro día para participar será o 17 de febreiro de 2021. A organización comprobará que se compren os requisitos e validará a inscrición a través dun correo electrónico coa confirmación.

O concurso establece un premio para os tres mellores imaxes, e un agasallo para todos/as os participantes. A Concellería de Cultura valorará a orixinalidade, creatividade, o aproveitamento de elementos ou accesorios usados ou creados por vos mesmos e que poñan en valor o verdadeiro e tradicional espírito choqueiro.

Todas as pezas admitidas subiranse ao Facebook de Cultura do Concello de Carral e á web municipal. Os/as participantes no concurso e os seus representantes legais, consenten automaticamente ao participar, a utilización e publicación, por parte da organización, das imaxes en calquera tipo de medio así coma a publicidade, promoción e aceptación das bases do concurso.

Para mais información podes chamar á Casa da Cultura ó 981 672 580.