O XOVES 20 DE DECEMBRO TRINKETRINKE ACTUARÁ NA BIBLIOTECA
O próximo xoves, 20 de decembro, Trinketrinke teatro estará na Biblioteca Municipal cun novo contacontos teatral.
Aínda que habitualmente as sesión de animación á lectura se realizan o último xoves de cada mes, nesta ocasión adiantamos a nosa cita debido as vacacións de Nadal.
“O xornal de Lonxedetodo“ é o título da historia que presentará a gran Lilí Gruyère nesta sesión dirixida a nenos entre 3 e 8 anos.
Será na Biblioteca Municipal da Casa da Cultura ás 18:00 horas. As entradas son limitadas e de balde polo que é necesario retiralas previamente en calquera das Bibliotecas a partir do 17 de decembro.
