FRANCISCO PEDREIRA REVALIDA TÍTULO NO TORNEO DE XADREZ DE NADAL
O xogador de Cambre, con 4 trofeos, convértese no máis laureado desta competición.
Un ano máis e dentro da programación do Nadal, o Concello de Carral organizou este sábado 17 de decembro a 16ª edición do Torneo de Xadrez de Nadal.
O torneo, que se disputou na biblioteca municipal, reuniu a 50 xogadores afeccionados a este deporte provenientes de toda a comarca Coruñesa (Cambre, Culleredo, Arteixo, Coruña, Betanzos, Carral, etc). Constou de 7 roldas, en partidas de 10 minutos cun incremento de 2 segundos por xogador. Os participantes dividíronse en 4 categorías (sub-10, sub-14, absoluto e mellor local). A competición deu comezo sobre as 16.30 h e finalizou contorna ás 20.30 h, momento no concelleiro de deportes, Rubén Regueira, fixo entrega dos trofeos aos gañadores.
Os campións desta 16º edición foron:
Categ. Absoluta
1º- Francisco Pedreira Giralda
2º – Manuel Muñoz Vidal
3º- Daniel González Eirís
Categ. Sub 14:
1º- Sabela Igrexas González (7ª na xeral)
2º- Belarmino García (campión sub-10 en 2015)
3º- Martín Pena Varela
Categ. Sub 10:
1º- Alejandro Rama Rodríguez
2º- Mario Mañá Pedreira
3º- Oliver Rocha González
Mellor Local
Categoría Mellor Local:
1º- Marcos Sánchez Astray (11º na xeral)
Fran Pedreira
O gañador absoluto, Francisco Pedreira, conseguiu onte o seu 4º trofeo de campión neste torneo do Nadal, converténdose así no xogador máis galardoado na historia do campionato. O xogador da Escola de Xadrez de Sigrás (Cambre) levantouse todo o máis alto da clasificación cedendo só unha partida en táboas das 7 que disputou. Outro dato para destacar do torneo foi o alto número de nenos participantes nesta edición (un total de 30).
