Un ano máis a Concellería de Educación, Traballo e Benestar organiza a Campaña Solidaria de Recollida de Alimentos e produtos de hixiene persoal para familias con necesidades residentes no Concello de Carral.

Os puntos de recollida son o Edificio Social Toñito Espiñeira,colexio CEIP Vicente Otero Valcarcel, Colexio CEIP de Tabeaio, Ies de Carral, Bar Arredemo e Supermercado Eroski.

Animamos a todos a colaborar con esta campaña e moitas grazas por elo. Se algún establecemento está interesado en colaborar con esta causa pode poñerse en contacto no departamento de Servizos Sociais no 981613520 ou preguntar por Florinda Duarte. #axudaanecesitados #servizossociais#campañaalimentos

O Concello e o Ies de Carral con motivo do día Internacional para a eliminación da violencia de xénero co alumnado de 2º da ESO, realizou unha marcha dende o centro ata o Concello. Crearon haikus(poemas breves que plasman a traxedia de xeito profundo) contra a violencia de xénero e a saídado centro foi as 13.15 e volta ás 14.00 do campo da feira. Realizaron tamén un mannequinn challenge (poses mirando comose foran maniquies conxelados na postura en protesta das accións violentas neste caso)
Foron acompañados de profesorado, proteccion civil e persoal do concello que repartiu 250 bragas polares co lema Ni una menos. Esta actividade está encadrada no programa de Educando en valores do Concello de Carral.

MANIQUI CHALLENGE

Os alumnos de 6º A  do CEIP Vicente Otero Valcárcel realizaron unha investigación científica sobre unha dúbida que salíu na clase.. A súa pregunta é a seguinte:”É certo que a alimentación dos caracois inflúe na cor dos seus excrementos?” .
Traballaron durante un mes para obter as súas conclusión. Aplicaron o método científico de tal xeito que repartiron caracois en 4 terrarios e alimentarónnos con leituga, cenoria, papel branco e un prato combinado de todos os alimentos mencionados. Aplicaron esta alimentación a todos os caracois ao longo de unha semana, e fixonos rotar. Deste modo todos os caracois alimentáronse con todas as dietas. Algo importante a ter en conta era que antes de cada cambio de dieta, sometíase a todos os caracois a manter un axuno de dous días para limpar o intestino.
Preguntaredes cales foron as súas concluisóns, Pois, si, a alimentación inflúe na cor das deposisicións, os caracois alimentados con leituga , era verdosa, con cemoria, era laranxa, con papel, branquecina e o prato combinado, era grisacea.
Esta investigación foi aceptada en Galiciencia, a maior feira científica en Galicia, á cal acudiu todo o nivel de 6º do CEIP Vicente Otero Valcárcel.