O Instituto Galego de Vivenda e Solo a través de Xestur, e o Concello de Carral organizan unha charla informativa sobre as subvencións para vivendas nas parroquias polas que transcorre o Camiño Inglés de Santiago. As parroquias beneficiarias son Tabeaio, Sergude, Cañás e Beira.

A charla terá lugar no local social de Sergude o martes 15 de marzo, ás 17:00 h. Na mesma ofrecerase completa información das axudas que se poden solicitar para a rehabilitación e mellora de vivendas nestas localidades.

O xoves 25 de fquerida ovella negraebreiro, na Biblioteca Pública Municipal (Casa da Cultura), a compañía do Trinketrinke presentará a obra “Querida ovella negra”.

Nesta ocasión, a gran Lily Gruyère vai contar a historia dunha ovella que non fai o que quere senón o que ve facer ós demais..

Será o xoves, ás 18:00 h na Biblioteca Municipal. Dirixido a nenos e nenas de 3 a 10 anos.

 

Foto vertical 'La Casa del Abuelo'webA Concellería de Cultura presenta en Tabeaio á compañía de monicreques Tanxarina representando “A casa do avó”, un espectáculo distinguido como mellor obra infantil do 2015 nos Premios María Casares de Teatro.

Roberto, protagonista da obra, recibe a noticia de que o seu avó vai quedar sen casa. Ante esta inxusta situación o neno ponse en marcha para atopar unha solución e, nesta busca, dispárase un mundo de pequenas e divertidas aventuras protagonizadas polas máis variadas personaxes. Un encontro cómico e poético que desemboca nun final feliz propiciado polo apoio solidario.

A entrada é de balde, A función terá lugar o sábado 20 de febreiro no local Xente Nova; comezará ás 18:00 h e abriranse as portas ao público dez minutos antes. Prégase puntualidade para evitar molestias aos espectadores.

A Concellería de Cultura do Concello de Carral fará entrega de libros ao colexio Vicente Otero e ao Instituto de Carral.libros-centros-escolares

Por unha banda distribuiranse entre o alumnado de primaria 200 exemplares da obra de Xosé Neira Vilas “Espantallo amigo”. A finais do mes de abril poderán gozar da obra teatral inspirada neste conto a cargo da compañía Os Quinquilláns.

A biblioteca do colexio Vicente Otero Valcárcel recibirá tamén un lote de libros de Manuel María, autor ao que se lle dedica este ano o Día das Letras Galegas.

Pola súa banda o IES de Carral recibirá tamén un lote de libros de Manuel María, co que o alumnado poderá profundar máis na vida e obra do autor chairego e que mantivo unha estreita relación con Carral.

 

Portada artigo Pazo de Vilasuso A Concellería de Cultura do Concello de Carral ven de publicar na web municipal carral.es un extenso artigo sobre o pazo de Vilasuso, no que se aborda a liñaxe relacionada con esta casa, detalles biográficos dos personaxes de maior importancia histórica e aspectos arquitectónicos do edificio.

O artigo, do que son autores Guillermo Gutiérrez Gil e o técnico municipal de Cultura, Carlos Lorenzo Pérez, é resultado dun convenio entre o Concello de Carral e a Universidade de Santiago de Compostela, co que se posibilita que alumnos da Facultade de Historia realicen prácticas no departamento municipal de Cultura. Tamén é resultado deste convenio a Guía de Cruceiros de Carral e unha futura publicación, xa en desenvolvemento, sobre Francisco Tettamancy.

O pazo de Vilasuso, no val de Barcia, acolleu unha das máis influíntes liñaxes mantendo sempre un estreito vencello coas fermosas terras de Carral. Existen documentos que vinculan xa no ano 1598 ao Capitán Gómez García de Varela, antepasado dos actuais donos, co lugar onde hoxe está o pazo. Desde os Santiso, que lle deron forma ao pazo no século XVIII, ata os Sangro que aínda hoxe residen en Vilasuso, a liñaxe foise misturando con outras importantes familias de dentro e fóra de Galicia, con varios protagonistas que escribiron páxinas salientables da historia española e galega. Entre os residentes en Vilasuso pódese destacar a Francisco Bermúdez de Sangro, que foi un dos asinantes da Constitución de Cádiz, Melchor Sangro Rueda, con importantes responsabilidades no ámbito político español, ou Pedro Sangro y Ros de Olano, que foi ministro de Traballo e considerado como un dos primeiros sociólogos de España.

Para ler ou descargar este artigo hai que acceder ao apartado de Publicacións, na súa sección de Libros da web municipal ou premendo aquí.

A compañía Trinketrinke e os seus ratos da biblioteca estarán de novo na Biblioteca Pública Municipal para achegarnos as súas historias.

Nesta ocasión, o protagonista do conto será un caracol namorado ao que lle gusta a poesía.

A actividade será o vindeiro xoves 28 de xaneiro, ás 18:00 horas, na Biblioteca Pública Municipal (Casa da Cultura).CARTELCARACOLNAMORADO

Rematada a Campaña de Comercio de Carral con 30000 boletos repartidos entre os comercios participantes na mesma publicamos a listaxe dos gañadores dos premios de este ano

.IMG_7517  IMG_7514 IMG_7513 IMG_7512 IMG_3125

listado de premiados campaña comercio 20152016

A Consellería de Infraestruturas e Vivenda publicou no DOG do 30 de decembro de 2015 axudas para o alugueiro social. O prazo rematará o 30 de novembro de 2016 ou cando se esgote o orzamento destinado a este fin.

Así mesmo, o Instituto Galego de Vivenda e Solo tamén publicitou axudas para o alugueiro a persoas afectadas por execucións hipotecarias ou que teñan alugadas vivendas inscritas no programa Aluga.

Para máis información diríxanse ao servizo de Medio Ambiente do Concello ou no 981670002.

 

 

A Concellería de Deportes de Carral prepara para o sábado 16 de xaneiro a 16ª edición da viaxe á pista de xeo, este ano a Marina Coruña (Paseo Marítimo). Read more