Cartel La Dama del tiempo - web.O Concello de Carral, en colaboración coas produtoras Mi Valle e Editspin Entertainment, estreará na Casa da Cultura a curtametraxe La dama del tiempo, o vindeiro venres 16 de decembro, ás 20:00 h.

La dama del tiempo foi producida e dirixida por Dino Trincado, xunto co seu fillo Marcos, e gravada en localizacións de Carral, Abegondo e Oleiros. No seu reparto figura a actriz Estíbaliz Veiga, que actualmente participa nas series Fontealba e Pazo de Familia da TVG, e en El final del Camino que emitirá TVE. Completan a lista de actores Manuel Viso, Alberto Martí Villardefrancos, Alberto Casal, Eusebio Álvarez, José Carlos Alonso e Ángel Seoane, entre outros.

Relatan os narradores que no século III, Cosme e Damián, médicos e santos, realizaron milagre tal que habería de constituírse no primeiro transplante da Historia. Tal foi así, que substituíron a perdida perna dun mercador pola dun etíope que falecera o día anterior. Séculos máis tarde, na batalla de Dunkerque, o disparo dun oficial alemán esnaquiza unha perna dun soldado inglés. Coa axuda da Dama do Tempo, o milagre repítese.

Esta película, rica en efectos especiais e elaborada infografía, é unha nova produción do ciruxán Dino Trincado, que reside en Carral, e que se fixo acompañar dun gran equipo técnico, tanto galego como do resto de España.

O acto de estrea estará presentado pola actriz e narradora Érica González Miguel, e contará coa actuación musical de membros do grupo Volando Libre cun repertorio de clásicos do cine.

Para a asistencia a este acto é necesario retirar previamente os convites na Casa da Cultura de Carral, xa que as localidades son limitadas. No caso de esgotarse, a Concellería de Cultura podería ofrecer unha nova proxección despois das 21:00 h, para acoller ás persoas que non tiveron ocasión de gozar da estrea.

O grupo de tFOTO-CARTEL-SOMOS-TAN-IMB--CILESeatro Valacar, subvencionado pola ONCE, participa no ciclo Teatro de Outono que organiza a Concellería de Cultura, coa representación da obra “Somos tan imbéciles”. A función terá lugar o sábado 10 de decembro, ás 20:30 h., no local Xente Nova de Tabeaio.

“Somos tan imbéciles” é o título dunha obra de teatro, mais ao mesmo tempo é o título dun programa de televisión. Un programa vespertino, ao xeito dun magazine no que inclúen conexións internacionais e nacionais, así como concursos e entrevistas . O programa-obra ten música en directo, o que lle da unha gran axilidade aos textos. A obra está dirixida por Lino Braxe, quen tamén é autor de la obra.

A entrada ao espectáculo é de balde, e prégase puntualidade para non interrumpir a función.

A Concellería de Cultura do Concello de Carral segue desenvolvendo o ciclo teatro de Outono, ofrecendo o escenario agora a Cándido Pazó para a representación de Memorias

dun neno labrego, de Xosé Neira Vilas.

A obra presentarase en Tabeaio, no local Xente Nova, o sábado 3 de decembro, ás 20:30 h. A entrada é de balde e as localidades limitadas.

Este espectáculo foi estreado no ano 2011 celebrando o 50 aniversario da primeira publicación en Buenos Aires de Memorias dun neno labrego, o libro máis lido, publicado e traducido da literatura galega, leva acumuladas unhas 200 funcións por Galicia e diversas localidades de Europa e América.

Memorias dun neno labrego é un espectáculo emotivo e divertido que combina a experiencia de Cándido Pazó como autor, actor e director, coa súa recoñecida traxectoria como conteiro e monologuista. Un espectáculo de gran atractivo visual, apoiado por un coidado traballo de videocreación que, combinado cunha elaborada iluminación, debuxa unha suxestiva escenografía das emocións. Mistura textos da obra de Neira Vilas con materiais da tradición oral e a memoria colectiva, combinando humor e emoción, evocación e anécdota, elaboración e improvisación.

Cartaz novo  A3 1 web

 

Cartel Tabeaius CircusSete veciños de Tabeaio, todos eles membros da Escola Municipal de Teatro, representarán este sábado a obra Tabeaius Circus, unha comedia escrita polo director da escola, Carlos Sante.

O reparto, con idades comprendidas entre os 16 e os 72 anos, está formado por Lola Bestilleiro, Carmen Caridad, Julio Maceiras, Margarita Ramilo, Carmen R. Bocixa, Lorena Sánchez e Jesús S. Otero, e proceden todos do desaparecido grupo O Rueiro.

A función, incluída no ciclo Teatro de Outono que organiza a Concellería de Cultura do Concello de Carral, comezará ás 20:30 h, no local Xente Nova de Tabeaio. Prégase puntualidade xa que non se poderá acceder á sala unha vez iniciada a representación.

Cartel contacontos AfricaO próximo xoves 24 ás 18:00 horas os ratos de Lonxedetodo visitarannos de novo cunha emocionante historia. A gran Lili Gruyére, recén chegada dunha viaxe por África, vainos contar e cantar anécdotas, xeitos de vida, contos e cancións deste continente. Así, explicaranos, con “jaima” e todo, como se toma o té no deserto, como se fai un turbante e recreará o lugar, onde tradicionalmente, se contan os contos nas aldeas de África.
Pequeno azul, pequeno amarelo de Leo Lionni e Canciones infantiles y nanas del baobab: el África negra en 30 canciones infantiles de Chantal Grosléziat, son os contos que nos presentará a Gran Lili. Será na Biblioteca Municipal da Casa da Cultura.

Adobe Photoshop PDFA Concellería de Cultura, como cada ano nestes meses, ofrece un novo ciclo de teatro, que traerá a Tabeaio e Carral a cinco compañías, tanto profesionais como afeccioadas.

As representacións comezarán este sábado co clásico de Castelao, Os vellos non deben de namorarse, a cargo de Fantoches Baj. Será no local Xente Nova de Tabeaio, ás 20:30 h. Coa direción de Inacio Vilariño, esta obra para adultos con monicreques e actores, segue con fidelidade os deseños escénicos feitos polo autor.

A vindeira semana será a Escola Municipal de Teatro a que represente Tabeaius Circus, unha comedia interpretada por veciños de Tabeaio baixo a dirección de Carlos Sante.

Cándido Pazó traerá outro texto dos clásicos da nosa literatura. Neste caso trátase da novela de Xosé Neira Vilas Memorias dun neno labrego. Esta obra teatral está colleitando un gran éxito por todas as vilas galegas nas que se ten representado.

Pola súa banda, o grupo da ONCE, Teatro Valacar, representará o 10 de decembro Somos tan imbéciles, unha comedia baseada nun programa de televisión.

E xa por último, para o público familiar, o edificio social Toñito Espiñeira acollerá a función de Títeres Babaluva coa súa obra O Crebanoces.

Todas as funcións son con entrada de balde. A organización solicita puntualidade na asistencia porque non permitirá o acceso aos espectáculos unha vez iniciados.

Cartel Teatro de Outono 2016web.

A organización conta con máis de 170 inscritos a falta de 2 días para o peche das listas. Read more

smart young boy doing his homework too much concentrated

smart young boy doing his homework too much concentrated

O alumnado de sexto curso do colexio Vicente Otero de Carral aprenderán a escribir un conto da man do xornalista e escritor Manuel Guisande.

A Concellería de Cultura organiza esta actividade no propio centro, en colaboración coa Deputación Provincial da Coruña, entre o 11 e o 14 de novembro.

Os rapaces aprenderán algúns dos aspectos básicos da escrita dun relato, como son a idea, os personaxes, a intriga, o desenvolvemento e o final, entre outros. Como remate deste obradoiro animaráselle ao alumnado a que escriban os seus propios contos para compartilos cos compañeiros e compañeiras.

O multipremiado filme británico Ex Machina preséntase este venres na Casa da Cultura, pechando o ciclo que se ofreceu durante as pasadas semanas.  Proxectarase ás 20:30 h. e está recomendada para maiores de 12 anos.

A película dirixida e escrita por Alex Garland encaixa nos xénero de ciencia ficción, drama e thriller psicolóxico. A trama relata como un empresario tecnolóxico multimillonario, que vive aillado, convida a un empregado para compartir unha semana con el nunha remota montaña. Presentaralle a Ava, a súa última creación, que é un robot-muller con intelixencia artificial.

Como ven sendo habitual no ciclo de cine, a entrada é de balde. Recoméndase retirar con anterioridades as entradas.

exmachina 2

O pasado venres día 4 de novembro, a OMIX (oficina municipal de información xuvenil) organizou un concerto e un taller de improvisación para o alumnado de 4º da E.S.O. do I.E.S. de Carral.
Neste concerto, que se levou a cabo no edificio social “Toñito Espiñeira” as alumnas e alumnos, gozaron dun espectáculo a cargo de “Stomp Quartet”, un grupo madrileño de jazz formado por catro mozos, entre os que se atopa un veciño de Carral.
Ademais do concerto, que durou unha hora aproximadamente, os rapaces e rapazas puideron saber máis sobre a historia do jazz e os instrumentos que tocaban cada un dos compoñentes de esta banda, coma a batería, o contrabaixo, a frauta traveseira e o piano, dándolles a posibilidade incluso de tocalos.

IMG_20161104_123958

IMG_20161104_135343

IMG_20161104_135133

IMG_20161104_125113

IMG_20161104_124821