TOM HANKS PROTAGONIZA A PRÓXIMA PELÍCULA DO CICLO DE CINE

El puente de los espías é a próxima película que se proxectará no ciclo de Cine de Inverno que acolle a Casa da Cultura. A proxección terá lugar este venres 11 de marzo ás 20:30 El_puente_de_los_esp_as-783529998-largeh. A entrada é de balde.

A fita, dirixida por Steven Spielberg, narra o que lle acontece a James Donovan (Tom Hanks), un avogado de Brooklyn (Nova York) que se ve inesperadamente involucrado na Guerra Fría entre o seu país e a URSS, cando a CIA lle encarga unha difícil misión: ir a Berlín para negociar un intercambio de prisioneiros e conseguir a liberación dun piloto norteamericano.

/by

A BIBLIOTECA INFANTIL AMPLÍA O SEU HORARIO

A partir do luns 13 de febreiro, a biblioteca infantil  amplia o seu horario.

O novo horario será de luns a xoves de 16:30 a 19:00 horas, engadindo un día máis ós habituais de apertura.

/by

CULTURA OFRECE SEIS PELÍCULAS NUN NOVO CICLO DE CINE

Cartel 16º ciclo cine.A Casa da Cultura volve acoller un novo ciclo de cine con seis proxeccións. O programa ábrese con Star Wars: el despertar de la fuerza, que se proxectará  o venres 3 de marzo, ás 20:30 h.

As restantes películas deste ciclo son El libro de la selva (sábado 4 de marzo, 17:30 h.), El puente de los espías (venres 10 de marzo, 20:30 h), La Cumbre escarlata (venres 17 de marzo, 20:30 h), Spotlight (venres 24 de marzo, 20:30 h) e El Renacido (venres 31 de marzo, 20:30 h).

As entradas son de balde e poden recollerse na Casa da Cultura desde 48 horas antes do inicio de cada película. A reserva das localidades terá vixencia ata 5 minutos despois de iniciada cada proxección.

Os nenos e nenas menores de 8 anos deberán estar acompañados dalgún adulto. En calquera caso, a concellería de Cultura recomenda que as películas aptas para todos os públicos sexan desfrutadas en familia co fin de axudarlle aos máis pequenos á comprensión da temática e dos valores que transmiten os filmes, ademais de gozar da cultura en familia.

 

/by

TRINKETRINKE TEATRO ESTARÁ DE NOVO NA BIBLIOTECA MUNICIPAL CON “ A SAÚDE EFECTIVA”

asaúdeafectivaO próximo xoves, 23 de febreiro, na Biblioteca Pública Municipal,  Trinketrinke teatro presentará unha nova sesión de contacontos: “ A saúde afectiva”.

Nesta ocasión os ratiños de Lonxedetodo ensinarán ós rapaces o importante que é ser boa persoa, e ter unha relación satisfactoria con todos os que nos rodean.

Os contos escollidos para esta actividade son: “Mi vecina está enamorada” de Réjis Lejonc e “Yo” de Philip Waechter.

Será ás 18:00 horas na Biblioteca Municipal.

Entrada libre.

Pregamos puntualidade.

/by

A BIBLIOTECA MUNICIPAL ORGANIZA UN CLUB DE LECTURA

Dende a Biblioteca Municipal estase a organizar un club de lectura para todos os amantes dos libros e con gañas de compartir as súas vivencias literarias.Cartel - Club de Lectura 2017.

Os clubs de lectura presenciais consisten en grupos de persoas que se reúnen periodicamente para valorar e comentar libros que previamente foron escollidos coa axuda dun coordinador do club.

Para participar, so é necesario amar a lectura e ter interese en compartir opinións e puntos de vista. Os libros recomendados proporciónaos a propia biblioteca.

As xuntanzas serán en principio os mércores, cada dúas semanas en horario de 19:00 a 20:30 horas, e a inscrición está aberta para todos os lectores maiores de 15 anos.

Os interesados poderán anotarse na Biblioteca Pública Municipal da Casa da Cultura ou chamando ó teléfono 981 672 580. A data de comezo será o vindeiro 8 de marzo.

/by

A OMIX PON DE NOVO EN MARCHA UN PROXECTO DE VOLUNTARIADO EUROPEO, «EVS CARRAL: ENJOY VOLUNTEERING!»

O proxecto «EVS Carral: Enjoy Volunteering!» acaba de ser aprobado pola Axencia Nacional Española do Programa Erasmus+: Xuventude en Acción (Instituto da Xuventude – Injuve), despois de que o Concello de Carral recibise o ano pasado a acreditación como organización de envío, acollida e coordinadora de proxectos para a xuventude dentro do Servizo de Voluntariado Europeo.

«EVS Carral: Enjoy Volunteering!» é un proxecto europeo cofinanciado polo programa ERASMUS+ 2014-2020, que ten como principal obxectivo ofrecer á xente nova de Carral e doutro país da Unión Europea, neste caso Italia, unha oportunidade de mobilidade que mellore as súas competencias pre-laborais – como iniciativa, creatividade, responsabilidade, traballo en equipo, comunicación ou competencias lingüísticas – a través da aprendizaxe non formal e informal, e que poña á vez en práctica determinados valores – como a solidariedade, a cooperación, a empatía ou a creación de redes— o coñecemento doutros ambientes de traballo e a adquisición de competencias técnicas. Trátase dunha experiencia de participación activa na vida das administracións e na vida destas comunidades locais de acollida, que se pretende que reverta positivamente nelas e fomente o voluntariado local e europeo.

Imaxe nova 1 páx web

O tempo de voluntariado do proxecto «EVS Carral: Enjoy Volunteering!», financiado totalmente polo programa ERASMUS+, ten unha duración de 6 meses. Está promovido polo Concello de Carral en colaboración con outro municipio europeo, o de Prato (Toscana, Italia). Así un mozo ou moza de Carral realizará o Servicio de Voluntariado Europeo nesta rexión italiana, entre abril e outubro, e dous mozos ou mozas italianos/as no noso concello entre marzo e agosto.

Se tes entre 18 e 30 anos, e estas interesado en realizar o Servizo de Voluntariado Europeo no país italiano infórmate na OMIX. No proceso de selección darase prioridade a aqueles mozos e mozas que formen parte de colectivos en risco de exclusión social, ou ben que estean en situación de inactividade e que posúan menos oportunidades para acceder á formación ou ao mundo laboral.

Se precisas máis información podes pasarte pola OMIX (1º andar da Casa da Cultura) ou chamar ó teléfono 981.672.580

/by

SORTEO DAS PRAZAS DA CAMPAÑA DE ESQUÍ 2017

O sorteo terá lugar mañá mércores ás 9.30 h no salón de Plenos Municipal Read more

/by

ENQUISA Á CIDADANÍA SOBRE PATRIMONIO CULTURAL E NATURAL

Estase a elaborar un estudo sobre cuestións que afectan ao patrimonio cultural, e precísase que a cidadanía colabore cubrindo unha breve enquisa. O estudo atinxe aos seguintes municipios: A Coruña, Abegondo, Ares, Arteixo, Betanzos, Bergondo, Cabanas, Cambre, Carral, Culleredo, Fene, Ferrol, Miño, Mugardos, Narón, Neda, Oleiros, Paderne, Pontedeume, Sada, San Sadurniño ou Valdoviño.

Pregamos que se colabore para que os resultados do estudo se axusten o máximo posible á realidade.

Enquisa

 

/by

TRINKETRINKE TEATRO PRESENTA UN NOVO CONTACONTOS NA BIBLIOTECA MUNICIPAL

Continuando coa programación de contacontos, o próximo xoves 26 de xaneiro na Biblioteca Pública Municipal, os ratiños de Trinketrinke Teatro presentarán a obra “ Os ratiños daOs ratiños da caixa - Carral - WEB caixa”.

O Rato Fuco trae á biblioteca nunha caixa os tres ratiños mais novos de Lonxedetodo. Son moi trastes e desobedentes e tenos que coidar, pero non é doado!.

Os contos escollidos nesta ocasión son: Contos de ratiños de  Arnold Lobel (Kalandraka, 1999) e Sopa de rato de Arnold Lobel (Kalandraka, 2004).

Será na Biblioteca Pública Municipal (Casa da Cultura) ás 18:00 horas. Entrada libre.

 

/by