O programa Educando en valores do Concello de Carral leva seis anos desenvolvéndose nos niveis de educación Primaria e Secundaria dos centros educativos do municipio.

Esta iniciativa segue en funcionamento aínda na crise sanitaria actual co fin de resultar de utilidade para as familias do municipio. Baixo esta premisa, poranse en marcha as seguintes accións dirixidas ao alumnado e tamén ás familias:

  • Caixa de ferramentas 3.0 para alumnado e familias

Cada semana, colgarase nesta páxina, máis abaixo, no apartado de Arquivos, un documento con propostas de actividades, unhas para alumnado e outras para as familias. Estas poderán conter enlaces a vídeos, audios, xogos, actividades para facer individualmente ou en familia dirixidas a desenvolver a nosa intelixencia emocional. Ademais, a través das persoas titoras de cada centro educativo enviarase un correo ao alumnado para anunciar o tema de cada actividade semanal e recordar que visiten esta páxina e, no caso do alumnado de secundaria, a do blogue do Departamento de Orientación do centro: www.sites.google.com/view/orientacarral.

  • Rede de apoio para o alumnado

a) Correo electrónico para consultas coa educadora:

Ao mellor algún/ha de vós neste momento precisades apoio para resolver algún conflito que se vos presente: situacións que vivides coa vosa familia; conflitos que teñades cos/as compañeiros/as polas redes sociais ou por teléfono; ou simplemente vos apetece compartir con alguén os vosos medos, os logros e aprendizaxes que estades facendo, ou as vosas inquedanzas. Nese caso poderedes contactar comigo a través do enderezo electrónico: educandoenvalorescarral@gmail.com.

Tamén se simplemente che apetece saudarme e dicirme como estás levando isto ou se queres consultarme cousas sobre os exercicios que vos vou propoñendo semanalmente podes escribirme aí.

b) Equipo de apoio entre iguais 3.0

Se neste momento no que tes máis tempo dispoñible che apetece axudar a outras persoas a poder sobrelevar mellor esta situación ponte en contacto comigo e entre todxs buscaremos formas de facelo.

A idea é crear un grupo de máximo 20 alumnos/as c@s cales deseñar e crear actuacións para apoiar a outros/as alumnos/as ou incluso a outras persoas de fóra do centro. Algúns exemplos poden ser: crear grupos de apoio para axudar coas materias académicas; crear grupos para compartir aficcións ou cousas que se nos dan ben: crear unha pequena revista ou canle con información e recursos interesantes, poñernos en contacto con persoas que se senten soas neste momento, etc

Se che gusta axudar ás demais ou se tes algunha habilidade que poder compartir, (escoitar, falar, debuxar, escribir, deseñar no ordenador, as redes sociais, sacar fotos, organizar, cantar, bailar, compoñer, as manualidades, a cociña, algún deporte, xogos, controlas moito dalgunha materia ou dalgún tema…) desexo poder contar contigo para este equipo.

  • Actividades en familia online: ‘Iogando coas emocións’ 

Trátase de talleres nos que participarán as familias e tamén as nenas e nenos a través de xogos, contos, cancións, exercicios de relaxación, estiramentos, etc Nestas sesións trabállase a intelixencia emocional dun xeito lúdico e ameno, e se procura ofrecer ferramentas que podan ser utilizadas no día a día polas familias.

A forma de facelo será a través dunha plataforma de videoconferencia, neste caso, Zoom. As datas de realización serán os sábados 23 de maio,  6 e 20 de xuño de 11:00 a 12:15. Para inscribirse podedes escribir ao correo electrónico educandoenvalorescarral@gmail.com

 

Arquivos

Actividades semana do 11-17 de maio para o alumnado

Actividades semana do 11-17 de maio para as familias

 

Obradoiro de ioga en familia do 23 de maio

 

 

Actividades semana 18-24 de maio

 

 

Actividades semana 25-31 de maio

Obradoiro Ioga en familia 6 de xuño