Achégase anuncio relativo ao decreto de alcaldía do trinta de outubro de dous mil dezasete onde se aproba a relación de candidatos/as admitidos/as definitivamente para o posto de técnico de museo así como o día, o lugar e a hora da fase de entrevista profesional.
A compañía Malasombra Teatro é a seguinte en ocupar o escenario do ciclo Teatro de Outono de Carral, para presentar a súa produción D.E.P. Será o vindeiro sábado 4 de novembro, ás 20:30 h, con entrada de balde ata completar o aforo.
D.E.P. é unha trepidante comedia na que se mostra con moito humor, o egoísmo, a mentira e o engano entre irmáns ante a repartición dunha herdanza. Uns seres humanos que nos amosan o seu lado máis cruel, ante a disputa de bens materiais: “que mamá morra axiña por favor! “. É unha obra que mostra unha situación ben recoñecible polo espectador: a pelexa pola herdanza. Pero aínda hai algo que a fai moito máis singular e é que neste caso, a herdanza é dunha nai que aínda non está morta.
D.E.P., dos autores teatrais Jordi Sánchez e Pep Antón Gómez, está dirixida por Marcos Orsi e protagonizada por Xoque Carbajal e Jouse García.
A función levarase a cabo no local Xente Nova de Tabeaio. Prégase puntualidade xa que unha vez iniciada a representación, non se poderá acceder á sala.
O grupo de teatro amador Charamusca, formado por actores de Carral e dirixido por Xosé Leis, estrean a súa nova produción A Oportunidade. Será mañá, 29 de outubro, dentro do ciclo Teatro de Outono que organiza a Concellería de Cultura do Concello de Carral.
Na obra interveñen Verónica Méndez, Antonio Rodríguez, Xavier Veiras, Carmen Barros, Rubén Cabanas e Lucía Ugarte.
Enid é unha nai que viu como a súa vida foise vindo abaixo. Só lle queda como oportunidade que o seu fillo sexa descuberto grazas ao talento que só lle coñecen na casa. A Oportunidade é unha “case comedia” onde todos os personaxes buscan un soño e non sempre o acadan. É un espectáculo realista onde a complexidade do personaxe principal obriga a dividilo en dúas actrices para que nos amosen as fendas e os soños dunha nai que sempre quere o mellor para o seu fillo.
A función terá lugar en Tabeaio, no local Xente Nova, ás 20:30 h. A entrada é de balde e o aforo limitado. Prégase puntualidade porque unha vez iniciada a obra non se permitirá o acceso á sala.
Un ano máis, o festival Galicreques das Mariñas volve a Carral presentando dous espectáculos.
Os rapaces de Educación Infantil do colexio Vicente Otero gozarán da obra Cenicienta, da compañía madrileña La Mar de Marionetas. Será unha función escolar no local Xente Nova en Tabeaio o venres 27 de outubro.
Aberta a todo o público e recomendada para maiores de 6 anos de idade, a compañía galega A Xanela do Maxín, presentará no edificio Toñito Espiñeira o espectáculo As Aventuras de Gale. Será o sábado 28 de outubro, ás 18:00 h. A entrada é de balde e o aforo limitado. É necesario que as idades se axusten ao especificado pola compañía, e que se sexa puntual para non interrumpir a función unha vez comezada.
O sábado 28 de outubro a partir das 17:00 horas, o concello de Carral celebrará unha festa do Samaín para nenos e nenas.
Será no pavillón do Espiño: maquillaxe, globoflexia, música, xogos e inchables para unha tarde de diversión.
Os participantes deberán achegarse co seu disfraz máis terrorífico.
A concellería de deportes agarda xuntar a máis de 150 patinadores nesta xornada festiva que xa tradicional no outono carralés. Read more
CURSO DE MANIPULADOR DE ALIMENTOS
DATA: 6 NOVEMBRO
DURACIÓN: 3 HORAS (10.00-13.00)
LUGAR: EDIFICIO SOCIAL TOÑITO ESPIÑEIRA
APUNTARSE no Toñito Espiñiera ata o 31 de outubro no 981613520 ou no mail educacion@carral.es
Se es ou fuches coidadora de persoas dependentes e necesitas apoio ofrecémosche información e asesoramento. Apúntate ao servizo que pon á vosa disposición o departamento de Servizos Sociais do Concello de Carral coa colaboración de Fundación mujeres de Deputación da Coruña
Si eres o fuiste cuidadora de personas dependientes y necesitas apoyo, te ofrecemos información y asesoramiento. Apúntate al servicio que pone a vuestra disposición e departamento de Servicios Sociales del Ayuntamiento de Carral con la colaboración de Fundación mujeres y de Diputación de Coruña
