Un novo ciclo de cine ao aire libre volve a Carral da man da Concellería de Cultura e da Deputación da Coruña a través da súa Rede Cultural. Noite de Película serán catro sesións con obras de éxito que se proxectarán no Campo da Feira ás 22:00 h.
O programa deste novo ciclo é o seguinte:
- Venres 24 de agosto: LA MOMIA. Non recomendada para menores de 12 anos.
- Venres 31 de agosto: DUNKERQUE. Non recomendada para menores de 12 anos.
- Martes 4 de setembro: OS FENÓMENOS. Non recomendada para menores de 7 anos.
- Mércores 5 de setembro: BLADE RUNNER 2049. Non recomendada para menores de 12 anos.
En caso de meteoroloxía desfavorable, as proxeccións levaranse a cabo no edificio social Toñito Espiñeira.
A comisaria da exposición Francisco Llorens, pintor das Mariñas, Rosario Sarmiento, fará unha visita guiada pola mostra o venres 24 de agosto ás 19:00 h, da que poden gozar todas as persoas que o desexen. Xunto á comisaria estará comentando a exposición unha das fillas do pintor.
A mostra, que está instalada no Campo da Feira ata o 31 de agosto, fai un repaso pola traxectoria artística de Llorens, que é un dos paisaxistas de referencia na historia da arte do século XX en Galicia e en España. As Mariñas foi unha zona na que realizou múltiples obras. En Carral frecuentou o pazo de Vilasuso, desde onde pintou o fermoso Val de Barcia.
Para asistir á visita guiada, non é necesario anotarse previamente.
A exposición e a visita guiada están promovidas polo Consorcio das Mariñas, coa colaboración da Concellería de Cultura do Concello de Carral para a súa presentación no municipio.
No DOG nº 155 do 14 de agosto de 2018 publícase resolución da Consellería de Cultura, Educación e Ordenación Universitaria pola que se convocan, con carácter gratuíto, cursos de linguaxe administrativa galega cursos preparatorios para os certificados de lingua galega que se realizarán en distintos períodos e en varias escolas oficiais de idiomas de Galicia.
Foron 13 as actividades deportivas que comezaron esta pasada semana, xuntando a máis de 410 alumnos/as. Read more
A concellería de deportes agarda uns 40 inscritos nesta competición que terá lugar o vindeiro 25 de agosto. Read more
O corredor do club Ciclista Betanzos revalida a camisola de campión desta 7ª edición. Read more
Este ano a celebración da Festa da empanada de Carral vai ser o xoves 6 de setembro a partir das cinco da tarde. Como cada ano, diferentes panaderías carralesas venderán as súas empanadas para tódolos gustos: bonito, bacallau, zamburiñas, carne,..etc entre outras viandas..Poderemos disfrutar dunha tarde agradable comendo no campo da feira e bebendo viño de forma gratuita.
Ademáis estarán grupos folclóricos amenizando a tarde con gaitas, pandeiretas e baile tradicional galego.
Festa gastronómica de grande interese turístico no que se poden achegar tanto persoas veciñas como foráneas a desfrutar das elaboracións dos fornos carraleses.
En breve publicaremos o cartel…
Máis de 40 inscritos/ as nesta nova edición dos cursos de natación estivais. Read more
Teléfonos de interese
Concello: 981670002
Policía local: 689544311 / 981670002
Protección civil: 112
Casa da cultura/bibliotecas: 981672580
Edif. Social Toñito Espiñeira: 981613520
Centro de saúde: 981672186
Outras formas de contacto: