Sinatura do convenio entre José Luis Fernández Mouriño e Matilde Gestal Castro
O alcalde de Carral, José Luis Fernández Mouriño, asinou un convenio coa familia de José Gestal, popularmente coñecido como ‘Cardoña’ para que sexa o Concello o que custodie e conserve parte do material que utilizaba o fotógrafo.
O acordo fíxose efectivo o venres 21 de decembro coa firma do documento de cesión por parte do rexedor carralés e da filla do fotógrafo, Matilde Gestal Castro.
Esta cesión permitirá difundir a obra de ‘Cardoña’ e dos fotógrafos da súa xeración, mantendo así vivo o recordo de José Gestal, coñecido por todos como o fotógrafo do municipio. Así mesmo, o Concello prevé promover actividades que difundan o valor da fotografía dos tres primeiros cuartos do século XX. Este acordo terá unha vixencia de 15 anos que se poderían prorrogar ata un máximo de 25.
Como parte do material cedido polos familiares hai numerosos modelos de cámaras, empuñaduras, lentes, obxectivos, varios tipos de flash, cables disparadores e, en xeral, unha infinidade de dispositivos que Gestal utilizaba para retratar Carral e aos veciños do municipio.
Sinatura do convenio entre José Luis Fernández Mouriño e Matilde Gestal Castro

O alcalde e a concelleira de Cultura xunto coa familia de ‘Cardoña’ 

Recuperando a historia
O Concello de Carral traballa, desde hai anos, para recuperar imaxes antigas do municipio para crear un arquivo dixitalizado e difundir actividades que dean a coñecer o labor de Cardoña. Este esforzo materializouse a través do proxecto ‘Fotos para as mil historias de Carral’, composto por decenas de instantáneas de décadas pasadas, recoñecido hai uns meses como un exemplo de Boa Páctica de Xestión Cultural.

 

a nena2A nena azul é unha curtametraxe dirixida por Sandra Sánchez que conta a historia dunha rapaza que fuxe do colexio, refúxiase nunha praia na busca do seu pai, e alí coñece a outra nena que se lle parece moito. Está protagonizada por Carla Díaz, Sergio Zearreta e a carralesa Lucía González.

A película proxectarase no marco do ciclo Cine na Casa da Cultura, o venres 21 de decembro, ás 19:30 h. A súa directora presentará a curtametraxe e manterá un coloquio, xunto ás rapazas protagonistas, co público que asista á sesión.

A entrada é de balde e as localidades son limitadas.

A continuación, ás 20:30 h, segundo está previsto no programa de cine, proxectarase La Reina Victoria e Abdul, unha película baseada na historia real que aconteceu entre a raíña británica e un súbdito da India a finais do século XIX, e que foi dirixida por Stephen Frears.

O sábado 22 a sala de audiovisuais da Casa da Cultura acolle o filme Cars 3, que se presentará ás 17:00 h. Para esta sesión é necesario retirar previamente os convites.

O Concello de Carral aprobou de forma inicial a proposta de orzamentos para o 2019 no pleno extraordinario que tivo lugar esta o mércores 19 de decembro. O documento mantén a tendencia de crecemento dos últimos anos. De feito, con respecto ao do exercicio de 2018, os orzamentos presentan un aumento do 4,29 %, achegándose os 5,5 millóns de euros. En palabras do alcalde, José Luis Fernández Mouriño, son ” uns orzamentos equilibrados que cumpren, ademais, coa lei e co solicitado polos veciños”, indicou o rexedor. O documento do 2019 presenta un estado de gastos que ascende a 5.444,708 euros.
Dentro dos orzamentos, o Concello aposta unha vez máis polos investimentos, que creceron con respecto ao último exercicio. En 2019, este apartado ascende a 1.208.778,26 euros.
Así, a parte destinada ao financiamiento de investimentos utilizarase para levar a cabo proxectos que sirvan para mellorar a seguridade viaria e as comunicacións en todo o municipio. Entre eles, destacan os que se acometerán a través dos fondos provinciais do POS+ 2019 da Deputación da Coruña. O goberno local contempla tamén a creación de novos servizos para os veciños, como a apertura do novo centro para maiores, ou a mellora das instalacións xa existentes, como é o caso da substitución da cuberta do pavillón do Vicente Otero ou a instalación de cuberta na pista de pádel, entre outras.
O documento de 2019 reflicte tamén un lixeiro aumento do Gasto de Persoal (1.753.494 euros) e un aumento do gasto en Bens Correntes e Servizos (1.870.288 euros).
O goberno local aprobou os orzamentos do 2019 co voto a favor do PP e cos de Asemblea Cidadá de Carral e do Partido Socialista en contra. O PSOE presentou unha emenda total aos orzamentos que o goberno local non apoiou por considerar que o documento “se axustaba ás peticións dous veciños e veciñas dá vila”.
Aprobación do POS+ 2019
Así mesmo, o pleno deu luz verde aos investimentos incluídos no Plan Único de Concellos POS+ 2019 da Deputación da Coruña por importe de 407.583 euros. Da cifra total, destinaranse 284.323 euros a catro proxectos cos que o equipo de goberno local mantén a súa aposta por mellorar a seguridade viaria nas parroquias.
Con cargo ao Plan Provincial, destinado a investimentos financeiramente sustentables, incluíuse un plan de mellora de viarias nas parroquias de Santa Mariña de Beira (119.000 euros), Tabeaio e Sergude (61.439 euros), San Vicente de Vigo (51.330 euros) e Santo Estevo de Paleo (52.554 euros).
Ademais, tamén levou a pleno a aprobación do Plan Complementario 2019, valorado en 174.777 euros e que se destinará a un proxecto de mellora de camiños de Lamagal a Sandiás, en Fornos e Cambela.
Os investimentos do Plan Único aprobáronse cos votos a favor do Partido Popular, co voto en contra da Asemblea de Carral e coa abstención do PSOE de Carral, a pesar de que durante a sesión plenaria, o portavoz socialista indicou que “todas as obras eran moi necesarias”.

 

Silleda Park é un parque de atraccións situado no recinto ferial de Silleda. Por terceiro ano a OMIX de Carral, organiza unha excursión para o día 3 de xaneiro, para os rapaces e rapazas de entre 8 e 14 anos.
Autos de choque, o saltamontes, inchables, ou incluso videoxogos, ademáis de espectáculos e actuacións, son algunhas das cousas que se poderán atopar os nenos e nenas que acudan con nos.
Sairemos da Casa da Cultura as 15:00 h. e o regreso será ás 21:00 h. aproximadamente.
O prezo é de 6 euros, e se desexas inscribirte debes facelo entre o 13 e o 27 de decembro, chamando ó 981.67.25.80, ou pasando pola Casa da Cultura. As prazas son limitadas!

Cartel (imaxe)

O próximo xoves, 20 de decembro, Trinketrinke teatro estará na Biblioteca Municipal cun novo contacontos teatral.O Xornal-w

Aínda que habitualmente as sesión de animación á lectura se realizan o último xoves de cada mes, nesta ocasión adiantamos a nosa cita debido as vacacións de Nadal.

“O xornal de Lonxedetodo“ é o título da historia que presentará a gran Lilí Gruyère nesta sesión dirixida a nenos entre 3 e 8 anos.

Será na Biblioteca Municipal da Casa da Cultura ás 18:00 horas. As entradas son limitadas e de balde polo que é necesario retiralas previamente en calquera das Bibliotecas a partir do 17 de decembro.

Un ano máis, ao chegar estas datas do Nadal, a concellería de Cultura organiza en colaboración coa Asociación Cultural Aires de Carral, o Festival de Panxoliñas. Participarán a Cartel Panxoliñas 2018-wcoral polifónica San Pedro de Domaio, o grupo de música tradicional Arnela e a coral polifónica Aires de Carral.

As tres agrupacións interpretarán as cancións típicas desta época, a partir das 19:00 h. do domingo 16 de decembro no local Xente Nova de Tabeaio.

A entrada é libre.