O vindeiro mércores 13 de febreiro de 9:00 a 14:00 h estará a disposición dos veciños un punto limpo móbil no Campo da Feira
A instalación deportiva celebra o seu oitavo aniversario con promocións e melloras no equipamento. Read more
O Concello de Carral celebrou o xoves 31 de xaneiro unha sesión ordinaria de pleno na que os orzamentos do 2019 aprobáronse de forma definitiva. Este documento mantén a tendencia de crecemento dos últimos anos. De feito, con respecto ao do exercicio de 2018, os orzamentos presentan un aumento do 4,29%, achegándose aos 5,5 millóns de euros.
Dentro dos mesmos, o Concello aposta unha vez máis polos investimentos, que creceron con respecto ao último ano. En 2019, este apartado ascende a 1.208.778,26 euros. A proposta orzamentaria saíu adiante co voto a favor do Partido Popular e cos do Partido Socialista e Asamblea de Carral en contra.
Por outra banda, o pleno serviu para dar luz verde a un expediente extraxudicial de crédito por importe de 196.000 euros que servirá para pagar servizos como o de axuda no fogar, o de limpeza de vías ou o de xestión do centro polideportivo. Durante a sesión, o Partido Socialista e Asamblea de Carral preguntaron pola contratación destes servizos. O alcalde, José Luis Fernández Mouriño, explicou que “o secretario está traballando para sacar a contratación todos eses servizos”, e engadiu que “non lle pode pedir que faga máis do que está facendo xa”. Pola súa banda, o secretario, presente tamén no pleno, coincidiu coas declaracións do rexedor e agregou que “está pendente de que lestes servizos saían a contratación canto antes”. Este punto aprobouse cos votos a favor do equipo de goberno, co voto en contra de Asemblea e coa abstención do Partido Socialista.
Mocións
Na sesión elevouse unha moción presentada por Asemblea de Carral. En concreto, o portavoz presentou unha moción sobre a modificación dos aparcadoiros e espazos para adaptalos a persoas con mobilidade reducida e que xa fora apoiada no seu momento.
O alcalde rexeitou a urxencia desta moción, xa que, tal e como indicou, ” as adaptacións estanse realizando a medida que se actúa nas diferentes rúas do concello”. O caso máis recente é a intervención que se está realizando na rúa Francisco Javier Alvajar. Neste punto do municipio están a acondicionarse as beirarrúas para adaptalas para persoas con mobilidade reducida.
Rogos e preguntas
No apartado de rogos e preguntas, o Partido Socialista preguntou polo avance do recente acordo entre o Concello e o Sepes para a ampliación do polígono de Vos Capelos. Fernández Mouriño sinalou que “actualmente, tanto vos técnicos do Sepes como vos encargados de redactar ou PXOM de Carral están a traballar para facer unha modificación puntual”.
No decreto 33/2019, do 29 de xaneiro de 2019, o sr. alcalde resolveu aprobar as bases e iniciar o procedemento de contratación dun/ha traballador/a para o departamento de servizos sociais do Concello de Carral: categoría profesional de educador/a social, xornada completa, modalidade contractual de obra ou servizo determinado ata a incorporación da titular do posto.
Para participar no procedemento, segundo o recollido no punto 4 das bases, os/as interesados/as poderán facelo segundo o modelo que se achega coas bases no prazo de cinco días hábiles contados a partir da publicación do anuncio da convocatoria no taboleiro de anuncios e na web do Concello; é dicir, do 31 de xaneiro ao 6 de febreiro.
Máis información no servizo de Persoal do Concello de Carral en horario de 9 a 14 horas.
A compañía Trinketrinke Teatro será a encargada de ofrecer unha nova sesión de animación á lectura na Biblioteca municipal. Nesta 
ocasión o título do conto que centrará o espectáculo é “A vida na selva”. É unha sesión para nenas e nenos de 3 a 8 anos.
O contacontos terá lugar o xoves 31 de xaneiro, ás 18:00 h. na Biblioteca da Casa da Cultura. O aforo é limitado e é necesario retirar previamente as entradas, que son de balde. Poden retirarse nas bibliotecas a partir do luns 28 de xaneiro.
A Concellería de Cultura, coa colaboración da Deputación da Coruña, ofrece unha nova exposición na sala do edificio Toñito Espiñeira. A mostra recompila en 18 paneis fotografías e textos explicativos do mosteiro de Santa María de Sobrado, que dan a coñecer a historia, valores, recursos turísticos e a reconstrución dun dos mosteiros máis singulares na provincia. A exposición trata de reflexar as actividades que se desenvolven no mosteiro como lugar de oración, acollida, atención ao peregrino, centro cultural, relixioso, de produción de bens de alimentación no traballo da comunidade, de produción artística mediante o traballo dos monxes…
Esta exposición estará aberta ao público ata o 11 de febreiro.
A Consellería de Medio Ambiente, Territorio e Vivenda publica:
– DOG nº5 do martes 8 de xaneiro de 2019
Axudas para a prevención de danos causados polo lobo e o xabaril
Prazo: 1 mes
Máis información no servizo de Medio Ambiente do Concello ou no teléfono 981670002.
D. José Luis Fernández Mouriño, alcalde do Concello de Carral, por medio do presente escrito, fai saber:
O Instituto Enerxético de Galicia, publica:
– DOG nº6 do mércores 9 de xaneiro de 2018
Axudas a empresas para proxectos de aforro e eficiencia enerxética
Máis información no servizo de Medio Ambiente do Concello ou no teléfono 981670002.
A Concellería de Deportes de Carral organizou unha nova viaxe á pista de xeo, este ano ao Burgo. Read more