A Concellería de Cultura do Concello de Carral desenvolve unha programación propia que complementará as actividades planificadas pola Comisión de Festas do Socorro para Cultura nas Festas Socorro 2019.esta semana.

O xoves 5, no edificio Toñito Espiñeira, O Mago Pablo presentará o seu espectáculo Unha maxia diferente, dirixido a público familiar e promovendo valores de igualdade de xénero. A función comezará ás 18:00 h. con entrada libre e aforo limitado.

O venres á mesma hora, no Campo da Feira diante da Casa do Concello, Pakolas ofrecerá un espectáculo con cancións dirixidas a público infantil. No mesmo emprazamento e á mesma hora, o sábado chega Culturactiva cunha comedia gastronómica titulada Saaabor!, protagonizada por Fran Rei e Félix Rodríguez.

O domingo remata esta programación cultural cun concerto do grupo galego The Cerne, interpretando clásicos do rock, do soul e do blues. A actuación comezará ás 19:00 h. no Campo da Feira.

Para facer posible esta programación, o Concello de Carral conta coa colaboración da Deputación da Coruña, de Agadic e da Consellería de Cultura da Xunta de Galicia

O departamento de Cultura convida a todos e todas a gozar das festas e das diversas manifestacións culturais que nelas teñen cabida.

Esta mañá celebrouse a presentación da XLVI Festa da Empanada, que terá lugar o xoves, 5 de setembro, e este ano dará o pistoletazo de saída ás festas do Socorro de Carral.
Esta festa continúa afianzándose como unha cita gastronómica de referencia, tanto na comarca como fóra desta, e así o destacou o alcalde de Carral, Javier Gestal, no acto de presentación celebrado na casa do concello.
Ademais do alcalde, que animou a todos os carraleses e carralesas “a unirse á celebración” tamén participaron na presentación a concelleira de Traballo, Mercedes Caridade, e os representantes das cinco panadarías que participarán na festa: Panadería Da Cunha, Panadería Cañás, Panadería Manuel Rodríguez, Panadería Pedro Fernández e Panadería Barcia.
Os panadeiros explicaron que esta é unha semana de “moito traballo” para eles pero que “merece a pena porque é moi bonito continuar a tradición”. Tamén destacaron que durante toda a xornada esperan despachar “máis de 12.000 racións de empanada”.
A Festa daa Empanada celebrarase este xoves 5 de setembro a partir das 18.30 horas e o prezo da ración estará unificado: as variedades de atún, bacallau e carne terán un prezo de 3 euros, mentres que as de polbo e zamburiñas serán de 4,5 euros a ración. O custo do resto de empanadas estará marcado por cada un dos obradoiros. Este prezo incluirá viño de forma gratuíta por cortesía das panaderías.

PresentaciónFestaDaEmpanada (3)
Ambientación musical
Boa comida, pero tamén boa música. Están previstas varias actuacións de música e baile a cargo das seguintes agrupacións: Banda de Gaitas Ferreñas de Vilarmaior, AFC Orballo (Pontedeume), Asociación Cultural ‘Pandereteiras Ardevento’ e Grupo Baile ‘O Rueiro’ de Tabeaio.

Cartel das festas do Socorro 2019, que se celebrarán do 5 ao 8 de setembro.

69160838_2112393225736023_3058689783371923456_o

O 5 de setembro, a partir das 18:30 horas, terá lugar a XLVI Festa da Empanada de Carral.

70197552_2112941615681184_4500745497048252416_o

Flyer imprenta Músicas Íntimas Carral 2019 - trazado.A cuarta edición do ciclo Músicas Íntimas trae a próxima fin de semana os concertos de Silvia Penide, que actuará o sábado e presentará os temas do seu terceiro disco El Efecto Boomerang, e o veterano cantautor galego César Morán que actuará en formato trío na noite do domingo.

O novo goberno local do Concello de Carral decidiu recalcular o ancho que a anterior corporación proxectou para a ampliación da ponte do río Brexa, ao consideralo totalmente insuficiente.
“O anterior proxecto só contemplaba cinco metros de ancho para ampliar a ponte polo que non se conseguía arranxar un punto negro de tráfico, mantíñase”, explican desde o goberno local.
O novo proxecto contempla un ancho de 7 metros para a ponte, con dous carrís de 3,50 metros para que poidan cruzarse tanto coches como camións. Este cambio é posible xa que o proxecto non incluía nin o estudo xeotécnico para coñecer a capacidade do terreo, que xa empezou, nin o cálculo das armaduras e os estribos, e tivéronse que incorporar.
Doutra banda, o goberno local ten previsto que esta estrada sirva para darlle saída ao tráfico do Polígono en dirección á A6. Para iso, transferirase a vía á Deputación para que a amplíe e, unha vez completados estes traballos, o Concello prohibirá o paso de vehículos pesados polo centro de Carral, tendo que pasar todos dirección A6 polo Polígono e posteriormente por esta vía.

O novo goberno local de Carral está a realizar unha análise exhaustiva do seu inventario de bens para coñecer con exactitude a situación real do Concello e, nese labor, recentemente atopouse con graves deficiencias no edificio que alberga a ‘ Galiña Azul’.
No parque infantil estaba enterrado un depósito de gas natural cheo e sen inertizar, procedente duns traballos de substitución do subministro eléctrico levados a cabo no ano 2014. Agora inertizouse o citado depósito xa que supoñía un perigo para os máis pequenos que, día a día, xogan no parque.

Intertización
O equipo de goberno local entende que “ é unha irresponsabilidade e algo moi grave, estamos a falar de que os nenos e nenas estaban xogando sobre un tanque de gas sen ningún tipo de seguridade”.
Doutra banda, no teito do edificio localizáronse pedras e material illante sen usar. A orixe: no ano 2016 iniciouse o illamento do tellado con pintura de caucho e tea asfáltica, coa intención de cubrila con illante e un manto de pedras pero isto último nunca se chegou a facer. Agora, unha vez detectada a situación, supoñerá un dobre gasto para as arcas municipais xa que hai que volver aplicar a pintura e colocar o illamento e as pedras, tendo que substituir algunha peza pola deterioración sufrida debida ao paso do tempo.

Tejado (1)

Un total de 55 nenos e nenas participaron das clases que se impartiron durante o mes de agosto. Read more

O novo goberno local de Carral considera que, en canto á mobilidade, neste concello se parte practicamente de cero. Por iso, elaborou un completo estudo da situación actual no que se inclúen unha serie de alegacións ao Plan de Transporte Público da Xunta.
Os obxectivos principais que o Concello de Carral persegue con estas achegas son que ningunha parroquia quede sen conexións, achegar os centros educativos de FP e Bacharelato que se atopan noutros municipios xa que Carral carece desa oferta educativa, mellorar a conexión cos hospitais e tamén co municipio veciño de Cambre xa que alí atópase o PAC de referencia.
Estas son as alegacións que o equipo de goberno de Carral presentou ao anteproxecto da Xunta:

  • Aumentar as liñas e as frecuencias cos hospitais. Só existe unha liña que une Carral cos centros sanitarios da Coruña e unicamente ten unha viaxe de ida, con saída ás 6:55 horas, e outra de volta, con saída ás 13:30 horas, polo cal se piden máis frecuencias e que se amplíen ás fins de semana.
  • Ampliar o trazado da liña 13 (IES Maruxa Mallo – Mesón Roteiro) para favorecer aos núcleos de poboación da zona sur de Carral e que estean conectados con Ordes, unha zona coa que teñen moita relación e actualmente non contan con ningunha conexión de transporte regular.
  • Ampliar a liña que vai a Betanzos para que dea servizo á maior parte dos núcleos, e non deixar fóra a Tabeaio, segundo núcleo con maior poboación de Carral e que actualmente non conta con esta conexión.
  • Ampliación de frecuencias e cambios horarios para que, como sucede actualmente, non coincidan na mesma hora tres liñas distintas no mesmo punto.
  • Aumentar as frecuencias da roteiros que se dirixen pola Rocha, Vos Campóns (dando acceso ao IES de Cambre) e O Burgo e os hospitais e aumentar o trazado para que dea servizo a todas as parroquias
  • Incluír a Tabeaio no roteiro que propón a Xunta para chegar ao IES de Cambre e que fai un percorrido circular por Santa María de Vigo e Brexo Lema, e mesmo por Cecebre. Desde o Concello de Carral proponse ademais que para Tabeaio este roteiro vaia directa por Os Campóns.
  • Que a liña de Santa María de Vigo teña outra saída desde Casa Couto para dar tamén servizo á zona de abaixo de San Vicente de Vigo, isto é Taramuño e Balbén.
  • Que se inclúa unha parada no Polígono dos Capelos. No anteproxecto non se contempla e é totalmente necesaria para o transporte diario dos traballadores.

Doutra banda, nas súas alegacións o goberno local tamén incluíu unha proposta para a creación de tres liñas circulares e transversais para favorecer a conexión dos diferentes núcleos e parroquias co centro de Carral e co resto de liñas comarcais.

  1. Liña circular Carral Norte: conectaría os núcleos do norte do municipio (Lodeiro, O Piñeiro, Gosende, Sergude e Cabrois) co centro urbano, son lugares e parroquias que no 80% dos casos non contan cun servizo regular agora mesmo, por iso se solicitan.
  2. Liña transversal Centro (Monte Xalo – Carral): esta liña non só conectaría o Xalo directamente co Concello de Carral senón que tamén o faría con outros núcleos que fan gran parte da súa vida en Carral, como son Sarandóns, Ardexurxo, Figueroa e Montouto.
  3. Liña circular Carral Sur: dará servizo aos núcleos e parroquias da zona sur, que actualmente non teñen ningún tipo de liña regular (A Cabra, Lale, As Travesas, Argonte e A Mella) e tamén aos núcleos de Bordel e Ardexurxo (Abegondo).

Consulta o documento completo das alegacións na seguinte ligazón:

ALEGACIONES_ PROXECTOS_TRANSPORTE_REGULAR_VIAXEIROS_CARRAL_230819_def (1)

Cartel Noite de Película 2019 trazadoO Campo da Feira de Carral volve ser o lugar que acolla as proxeccións do programa Noite de Película que organiza o departamento municipal de Cultura en colaboración coa Deputación da Coruña.

Serán catros os filmes que se presentarán, sendo dous deles de produción galega:

  • Lobos sucios: xoves 29 de agosto
  • Peter Rabbit: venres 30 de agosto
  • La sombra de la ley: luns 2 de setembro
  • Campeones: martes 3 de setembro

Todas as proxeccións serán ás 22:00 h. e o acceso para o público é de balde.

No caso de meteoroloxía desfavorable, as películas exhibiranse no edificio social Toñito Espiñeira.

Recoméndase aos pais prestar atención ás idades recomendadas para cada filme.