A concellería de deportes agarda a uns 50 rexistrados para este clásico torneo do 27 de decembro. Read more
O Coro de Mulleres Rurais de Guísamo e a Coral Polifónica Aires de Carral ofrecerán un concerto de panxoliñas en Tabeaio, organizado pola Concellería de Cultura do Concello de Carral.
O concerto terá lugar o domingo 22, ás 19:00 h. no local Xente Nova. A entrada é de balde.
Este festival forma parte da programación de Nadal que organiza o Concello de Carral.
- O POS servirá tamén para financiar a creación dunha zona de aparcamento en Cañás e a construción dun muro de contención de granito na zona.
- Como parte do Plan Complementario, o Concello executará a segunda fase do saneamento na parroquia de San Vicente de Vigo.
O Concello de Carral celebrará mañá, mércores 18 de decembro ás 20.30 horas, unha sesión extraordinaria do pleno que servirá para levar o Plan de Obras e Servizos POS+ 2020 da Deputación A Coruña. Con cargo ao Plan provincial, incluíronse intervencións cun dobre obxectivo: incrementar os servizos para os veciños e veciñas e mellorar as infraestruturas e dotacións existentes no municipio. O equipo de goberno proxecta tres grandes obras que se financiarán coa axuda provincial: a mellora da senda peonil para acceso ao área recreativa da Brexa, a construción dun muro de contención de granito e a creación de aparcamento en lugar de Bacelo (Santa Baía de Cañás) e o acondicionamento do pavillón O Espiño.
Por unha banda, no caso da área recreativa A Brexa, proponse unha importante mellora no acceso (37.701,79 euros). Como parte do plan, dotarase a senda cun pavimento tipo Aripaq, un material acorde coa contorna e resistente ao tempo e ás inclemencias meteorolóxicas. Como medida para mellorar a visibilidade da senda e ampliar os horarios de uso, colocaranse balizas nesta zona. A execución desta obra supoñerá, ademais, a adaptación do percorrido para favorecer o acceso a persoas con mobilidade reducida.
Doutra banda, en Cañás, o proxecto incluirá o acondicionamento dunha zona anexa á igrexa da parroquia para o estacionamento de vehículos (38.895,01 euros). Procederase tamén á construción dun muro de bloques de granito sobre o que se colocará un cerramento constituído por malla metálica e postes.
Por último, o Concello expón o acondicionamento do pavillón polideportivo O Espiño (34.479,43 euros). Neste caso, as obras proxéctanse tanto na parte interior –onde se eliminarán as pingueiras-, como na parte exterior –con traballos de limpeza de fachadas e aplicación de pintura plástica-.
Segunda fase do saneamento en San Vicente
Doutra banda, como parte do Plan Complementario da Deputación para investimentos financeiramente sustentables, o Concello pretende continuar coa segunda fase do saneamento na parroquia de San Vicente de Vigo. As actuacións supoñerán un custo de 241.998, 68 euros.
Con este plan, o goberno dará continuidade ás obras da primeira fase –que supoñen un custo de 134.000 euros e que implican a execución de preto de 2.000 metros lineais de colector-. Esta segunda etapa implicará a dotación doutros 3.400 metros de colector. En total, o goberno local pretende instalar 5 km de saneamento na parroquia.
Posto de tesourería
O pleno servirá tamén para elevar a proposta de estatutos para a constitución dunha agrupación cos Concellos de Abegondo, Bergondo e Miño para dispoñer dun servizo de tesourería.
O programa Educando en Valores leva 7 anos levándose a cabo no CEIP Vicente Otero Valcárcel e no IES de Carral. Trátase dunha iniciativa na que se traballan as competencias necesarias para desenvolver a intelixencia emocional das nenas e nenos, non só para poder obter un mellor rendemento académico, senón tamén para favorecer que o clima de convivencia nos centros educativos sexa respectuoso, afectivo e humano.
O curso pasado o programa tamén se estendeu ás familias con moito éxito, e este ano vaise repetir a experiencia a través da organización de obradoiros.
O primeiro será este xoves, 19 de decembro de 17:00 a 19:00 horas, para familias con rapaces do CEIP Vicente Otero Valcárcel de Carral. O contido do taller será o seguinte:
- Necesidades emocionais e sociais dos nenos e nenas. A importancia do vínculo seguro.
- Intelixencias múltiples: a intelixencia emocional.
- Claves para a educación desde a afectividade consciente.
- Estratexias e ferramentas para a educación emocional.
- A comunicación positiva.
- Normas e límites dende o afecto.
- Como axudar as crianzas a manexar as súas emocións.
O aforo é limitado.
Para máis información:
- Departamento de orientación do CEIP Vicente Otero Valcárcel.
- Servizos Sociais do Concello de Carral.
Máis de 255 ciclistas competiron o sábado en Carral na 10ª proba da Copa Galicia de Ciclocrós. Read more
O vindeiro luns día 16 de decembro, realizarase a reapertura do local interxeracional (antigo Local da Xuventude), situado na R/ Alcalde Juan Seijas nº 8, baixo.
Este novo centro terá un horario de luns a venres de 16:00 a 21:00 h., e nel tanto a mocidade como as persoas maiores disporán do seu espazo. Un espazo que sirva de referencia e de punto de encontro e onde poderán desenvolver diferentes actividades.
O novo local interxeracional, dispón ademais de novo equipamento coma mesa de ping-pong, xogos de mesa, ou material deportivo, así coma de diferentes espazos coma a aula de informática, a aula lúdica, ou distintas estancias para reunións, encontros ou actividades.
Tamén informarvos que a partir de agora a OMIX (oficina municipal de información xuvenil) pasa a estar na planta baixa de estas dependencia, lugar no que se atenderán todas as consultas e aquelas demandas que teña a mocidade.
Os galardóns materializaranse en bonos por importe de 30 euros que as persoas gañadoras poderán utilizar nos establecementos do municipio.
Esta nova edición bateu un récord de participación, con 104 negocios e comercios adheridos.
Despois das grandes cifras de asistencia cultivadas no I Concurso de Tapas ‘Carral, con moito gusto’, o equipo de goberno segue impulsando medidas que sirvan para promover a economía local. Baixo esta premisa, o goberno iniciou hoxe, xoves 12 de decembro, a Campaña de Comercio ‘Dálle vida a Carral’, unha medida coa que se busca potenciar as compras nos negocios e locais do municipio. O programa, que nesta edición repartirá 3.000 euros en premios, suscitou un gran interese no tecido comercial carralés. Tanto é así, que a Campaña de Comercio bateu un récord en cifras de participación, con 104 negocios e comercios adheridos.
A Campaña finalizará o 6 de xaneiro, e como broche final, entregaranse numerosos galardóns: un 1º premio de 600 euros, catro premios de 150 euros, nove por importe de 90 euros, 12 premios de 60 euros e, por último, 13 premios de 30 euros. Como novidade con respecto a outros anos, os agasallos de ‘Dálle vida a Carral’ materializaranse en bonos por importe de 30 euros que se poderán utilizar nos locais adheridos ao programa.
Cartel da Campaña de Comercio ‘Dálle Vida a Carral’
A loita contra a vespa velutina foi, sen dúbida, un dos temas nos que o Concello tivo que centrar máis esforzos e recursos. Tanto é así, que nos últimos meses, o novo equipo de goberno recibiu decenas de avisos por parte dos veciños e veciñas da presenza de niños no municipio. En total, ao longo do 2019 o número de niños retirados ascende a 130.
Tal e como indican desde o goberno, á súa entrada no Concello non había ningunha persoa designada aos traballos de retirada de niños de velutina. Nese momento, o Concello contratou a unha empresa externa que puidese dar resposta aos avisos dos veciños e que se encargase destas tarefas ata que se puidesen delegar noutra persoa. Desde o mes de agosto, é o propio Concello o que se encarga da retirada de niños.
O goberno local sinala o “gran esforzo” que este traballo supón. E é que, agora mesmo, hai pouco persoal que se encargue de acometer estes labores. Con todo, “é prioritario dar resposta aos avisos dos veciños e veciñas”, comentan.
Unha vez que reciben o aviso por parte dos carraleses e carralesas, “procédese a retirar o niño rapidamente e da forma máis eficaz”. O obxectivo, tal e como explican desde o goberno, é solucionar as incidencias na mesma semana na que se produce o aviso. En canto ao método empregado, desde o goberno local inciden en que depende das características e da situación de cada niño.