VII TORNEO DE XADREZ DE VERÁN EN CARRAL.

posted in: Novas Concello | 0

A concellería de deportes agarda uns 40 inscritos nesta competición que terá lugar o vindeiro 25 de agosto. 

VII Torneo de xadrez de Verán
VII Torneo de xadrez de Verán

Dentro da programación deportiva de verán, o Concello de Carral, organizará o “VII Torneo de Xadrez de verán”, que terá lugar o sábado 25 de agosto na Biblioteca Municipal.

 

Na anterior edición foron 35 os inscritos de toda a comarca; Carral, A Coruña, Cambre, Arteixo, Ordes, Betanzos, etc., destacando como dato importante o alto número de nenos e nenas que tomaron parte neste evento deportivo, e que se espera repetir ou superar nesta 7ª edición.

 

O torneo constará de 7 roldas, en partidas rápidas de 10  min.+2 segundos de cadencia por xogador, divididos en 4 categorías ( sub-10,  sub-14, absoluto e mellor local). Comezará ás 16.30  h e finalizará ao redor das 20.00  h, momento no que terá lugar a entrega de premios aos finalistas de cada categoría.

 

O obxectivo fundamental que se marca o ente municipal coa realización deste evento deportivo é o fomento do deporte entre toda a poboación, e máis concretamente deste deporte cada vez menos minoritario.

 

Para todos aqueles interesados en participar, o prazo de inscrición terminará o próximo 24 de agosto, e poden anotarse na Casa da Cultura de Carral, ou no teléfono 981 672 580 ou no e-mail deportes@carral.es.