Tag Archive for: festa

O CONCERTO DE PIRILAMPO FARASE NO TOÑITO ESPIÑEIRA

Por mor da meteoroloxía desfavorable, o concerto de Pirilampo pasará a realizarse no Edificio Social Toñito Espiñeira á prevista (18:00 h).

De igual maneira, os xogos infantís que organiza para hoxe a Comisión de Festas trasládanse ao pavillón deportivo do Espiño.

 

 

/by

OS GRUPOS DE ROCK RECAMBIOS TUCHO E CRÚ ACTUARÁN NO CAMPO DA FEIRA

FOTO Recambios TuchoA Concellería de Cultura, en colaboración coa Deputación da Coruña e da Comisión de Festas do Socorro, organiza un concerto no Campo da Feira na que actuará Recambios Tucho e os carraleses Crú.

Racambios Tucho é un grupo galego que naceu no seo de Herdeiros da Crus e que versionan clásicos do rock. Pola súa banda Crú é actualmente o grupo de Carral con maior presenza nos escenarios de Galicia.

O concerto terá lugar o vindeiro mércores ás 22:30 h. e servirá de preámbulo ás festas que comezarán o xoves.

Este concerto é a terceira oferta musical do Concello de Carral en menos dunha semana, despois do éxito do ciclo Músicas Íntimas no que participaron De Vacas e Gonçalo Guerreiro.

Crú

/by

NOITE DE PELÍCULA PRESENTA SEIS TÍTULOS ESTE VERÁN

Cartel Noites de Película 2017Desde o venres 25 de agosto ata o martes 6 de setembro, a Concellería de Cultura do Concello de Carral, coa participación da Deputación da Coruña, ofrecerá 6 películas ao aire libre no Campo da FeIra.

Noite de Película trae este ano títulos para os diversos grupos de idade, proxectando ademais tres películas galegas. Todas as proxeccións comezarán ás 22:30 h, e no caso de que a climatoloxía non  permita facelas ao aire libre, realizaranse no edificio social Toñito Espiñeira.

O ciclo comeza o venres 25 de agosto con El desconocido, un thriller multipremiado, protagonizado por Luis Tosar e rodada integramente na cidade da Coruña.

O sábado 26 proxectarase o filme galego de animación Holy Night – Noche de Paz, apta para todos os públicos. A comedia francesa El extraordinario viaje de T.S. Spivet presentarase o xoves 31, e ao día seguinte proxectarase a exitosa Jurassic World.

O programa de cine ao aire libre remata na semana das festas de Carral con Atrapa la bandera o luns 4 de setembro, e ao día seguinte presentarase a película Linko, do produtor e director carralés, Xosé Zapata.

Con este programa téntase ofrecer unha selección de diferentes xéneros que agrupa grandes éxitos de Hollywood con películas galegas, españolas e europeas.

/by

XV FESTA DO PAN DE CARRAL 13-14 MAIO

Este fin de semana xa hai desculpa para dar unha volta e vir a Carral . Durante todo o fin de semana teremos un montón de entretenementos para grandes e pequenos.

Bocadillo Cardiosaudable

Obradoiro de pan para nenos/ as

Feira medieval

Espectáculo da Compañía Alas Circo Teatro desde Córdoba

Exhibición de cetrería e torneiro

Campaña de intercambio de comida por libros

Charangas polo día  e orquestras pola noite

O domingo,

Estreo do espectáculo Camiño de Santiago de Queiman e Andrea Pousa

Misa na honra a  San Honorato, patrón dos panadeiros coa Coral Polifónica Aires de Carral

Traballo do Pan do alumnado de 6ª de primaria do CEIP Vicente Otero Valcárcel nunha carpa na Festa

Traballos do alumnado de 1º,2º, e 3º da ESO do Ies de Carral FESTIPÁN 2017: kamixhibai, cantares de cego, a muiñeira do molete, exposicións no Edificio Social Toñito Espiñeira e xogos de mesa  “Pan Comido” nunha carpa na Festa

VI Xuntanza de Motos coa colaboración do Clube Red Celtas Northside

 

diptico2 diptico1

 

Para máis información poden chamar ao 981670002-981613520

/by

SAMAÍN NAS BIBLIOTECAS

Un ano máis a Biblioteca Municipal de Carral celebra a festa do Samaín e para elo ten programado unha serie de actividades propias desta data. Samaín

Dirixido ós máis pequenos da casa, o día 26 de outubro, mércores, presentamos unha sesión de contacontos moi especial  para nenos pequenos. Cancións e contos para fomentar o gusto pola lectura a través de experiencias sensoriales básicas.

Esta sesión complementarase cunha pequena charla educativa dirixida aos pais.

Os asistentes terán a oportunidade tamén de participar nun obradoiro de cestiñas para preparar a noite de Samaín.

Esta actividade será na Biblioteca Infantil (Rúa do Castro) ás 18.00 horas e está dirixida a nenos e nenas entre 0 e 5 anos. A entrada é libre.

O xoves 27, celebraremos unha festa de Samaín. Será no edificio Toñito Espiñeira. Esta actividade inclúe xogos, obradoiro de maquillaxe e por suposto contos de medo cun personaxe misterioso. Os participantes poderán asistir co seu disfraz máis terrorífico. A idade recomendada é a partir dos 5 anos.

/by

CINE E ROCK PARA COMEZAR A SEMANA DAS FESTAS

O Concello de Carral a través do seu departamento de Cultura e coa colaboración da Deputación Provincial, ofrecen dúas alternativas no Campo da Feira para as noites deste lunsCartel McKuin 2016 curvas e martes da semana do Socorro.

O luns proxéctase Al encuentro de Mr. Banks, unha preciosa película protagonizada por Emma Thompson e Tom Hanks que relata os feitos reais de cando Walt Disney se propuxo filmar o conto de Mary Poppins. A película comeza ás 22:30 h. e é apta para todos os públicos.

E o martes os asistentes ao concerto de McKuin terán ocasión de lembrar os temas da banda británica de Freddie Mércury, Queen. A súa actuación comezará ás 22:30 h, aínda que media hora antes La Banda del Camión comezará a encher de rock o Campo da Feira.

A programación da Concellería de Cultura nas festas completarase o venres coa representación de Bon Appetit, dirixido a público infantil, e o sábado coa presenza da Casiña da Maxia de Chrystyan Magic para todos os públicos. As dúas representacións terán lugar ás 18:00 h, e no caso de mal tempo trasladaranse ao edificio Toñito Espiñeira.

Cartel Carral Bon Appetit

 

/by

ENTROIDO 2016

CARTEL ENTROIDO 2016 CARRAL PINCHA NA IMAXE PARA VER A INFO

/by

LOITO EN CARRAL POLAS VÍCTIMAS DO RALLY DA CORUÑA

O Concello de Carral, por mor do tráxico accidente acontecido no Rally da Coruña no seu treito polo termo municipal, ven de declarar 3 días de loito oficial.

As festas na honra á Virxe do Socorro, así como as actividades culturais, gastronómicas e deportivas que durante estes días se realizarían, foron suspendidas.

O Concello de Carral convoca aos veciños e veciñas a unha concentración en recordo das víctimas, hoxe domingo 6 de setembro, ás 12:00 h, diante da Casa do Concello.

/by

8 DE SETEMBRO XLIII FESTA DA EMPANADA 2015

 

 

cartelEmpanada2015

A partir das cinco da tarde do día 8 de setembro poderemos disfrutar da festa gastronómica de Carral, a festa da empanada. Cinco panaderías carralesas venderán os seus mellores produtos: empanada de atún, de bacallau, de carne,…etc,. As múltiples variedades que existen na terra carralesa feitas de forma artesanal con excelente calidade.

Tamén disfrutaremos de grupos do folclore galego, chegando por segundo ano dende Ordes, os cabezudos de Espadana Gaiteiros. Disfrutaremos das actuacións da AGrupación Folclórica Ximiela de Louro que nos visitan dende as terras de Muros e dos grupos tradicionais O Castro de Miño e o Grupo O Rueiro de Carral.

/by