Tag Archive for: excursión

Despois de que o ano pasado fora a primeira vez que non imos o Aquapark de Cerceda despois de moitos anos seguidos, este ano retomamos esta actividade que tan boa acollida ten entre a nosa xuventude.

O mércores día 7 de xullo será o día no que, nenas e nenos de entre 8 e 17 anos, acudan ó parque acuático, nesta actividade organizada pola OMIX (oficina municipal de información xuvenil)

A saída farémola ás 11:00 h. desde a Casa da Cultura e estaremos de regreso ás 19:30 h. no mesmo lugar.

O prezo é de 8 euros e o pago farase na conta municipal ES21-2100-5781-3102-0000-1826 (CAIXABANK). Non pagar ata a confirmación da praza!

Os/as participantes teñen que levar mascarilla, toalla, comida, bebida, viseira, protección solar e sandalias.

Tes ata o 5 de xullo para anotarte e enviarnos a autorización e o resgardo de pago a omix@carral.es.

taberna-casa-do-patronA Concellería de Cultura do Concello de Carral organiza para o 16 de marzo unha viaxe de índole cultural á zona de Lalín para visitar o complexo etnográfico da Casa do Patrón e o Pazo de Liñares no que se empraza o Museo Galego da Marioneta.

É unha viaxe deseñada para a participación de familias con nenos, que terán prioridade na inscrición. Os participantes poderán visitar o museo etnográfico da Casa do Patrón, unha das maiores coleccións deste tipo en Galicia, a sala de arqueoloxía do Castro de Doade cunha réplica dunha casa castrexa; e o Pazo de Liñares, do século XVII e no que está emprazado o museo dedicado á marioneta. O xantar será tamén na Casa do Patrón a base cocido, comida típica desta zona nestas datas do Entroido. Os menores terán ocasión de escoller outro menú.

As inscricións para esta viaxe débese facer na Casa da Cultura do 18 de febreiro ao 6 de marzo. As prazas son limitadas. As persoas que desexen participar sen a compaña de menores, poden anotarse en reserva para o caso de que non se cubran as prazas por parte de familias.

O prezo da viaxe é de 28 euros para adultos e 14 euros para nenos.

O Concello de Carral organiza unha excursión para o colectivo da 3ª Idade que visitará Portugal o día 7 de abril.Cartel Excursión a Portugal 2018.

O prazo para anotarse está aberto ata o 1 de abril. As persoas interesades deberán achegarse ata a Casa da Cultura para formalizar a súa inscrición. Ten un prezo de 20 € para pensionistas e membros do centro da 3ª Idade de Carral e 28 € para as restantes persoas.

O programa da viaxe comprende a visita ao feirón de Vila Nova de Cerveira, xantar no restaurante Afonso e visita á Fortaleza de Valença.

A Concellería de Cultura do Concello de Carral rematará o seu programa 20 km Camiño con Cultura de sendeirismo cultural, organizando para o sábado 15 de outubro unha ruta polo Courel.courel

Realizarase o roteiro mítico entre Valdomir e Froxán. Logo de acceder a Valdomir en autobús, ollarase o camiño ata a aldea de Vilar. Este é un sitio moi coñecido pola divulgación dun roteiro marcado que atravesa os seus soutos, a ermida e un castro situado sobre o río Lor, un lugar inesquecible para os que o visitan.

O camiño desde o castro baixa polo monte ata o río, cruzando por unha vella ponte de madeira. Logo de pasalo os participantes atoparanse co sobreiral de magníficos exemplares de corticeiras que se aproveitan para facer trobos de abellas.

Por camiños antigos chegaremos ata Froxán, un dos paraísos do Caurel, unha aldea ben conservada, restaurada e habitada na actualidade. Coma fin do roteiro, antes de emprender a volta, visitaremos a vila de Seoane do Courel.

As prazas son limitadas e as persoas interesadas deberán inscribirse na Casa da Cultura antes do martes 11 de outubro. O prezo por persoa é de 15 euros, que inclúe o transporte e os monitores e guías durante o percorrido.

O pasado día 3, un grupo de máis de 30 nenos e nenas puideron gozar de novo do Aquaprk no veciño Concello de Cerceda. Este ano desde a OMIX (oficina municipal de información xuvenil), organizamos unha segunda excursión ó parque acuático, debido á gran demanda que tivemos na primeira. Coma sempre os nenos e nenas con idades comprendidas entre os 8 e os 17 anos, pasaron un día do mais divertido, nunhas instalacións, que ano tras ano visitamos a través das excursións que se organizan desde o Departamento de Xuventude do Concello de Carral.

20160803_185427

El pasado día 3, un grupo de mas de 30 niños y niñas pudieron disfrutar de nuevo del Aquaprk en el vecino Ayuntamiento de Cerceda. Este año desde la OMIX (oficina municipal de información xuvenil), organizamos una segunda excursión al parque acuático, debido a la gran demanda que tuvimos en la primeira. Como siempre los niños y niñas con edades comprendidas entre los 8 y los 17 años, pasaron un día de lo mas divertido, en unas instalaciones, que año tras año visitamos a través de las excursiones que se organizan desde el Departamento de Juventud del Ayuntamiento de Carral.

20160803_185427

O pasado día 28 de xuño un grupo de 50 nenos e nenas de Carral, pasaron un diferente e divertido día no Aquapark do veciño concello de Cerceda, a pesar de que o día non foi todo o bo que nos houbese gustado, os/as particpantes pasárono en grande nesta excursión organizada pola OMIX (oficina municipal de información xuvenil).
O kamikaze, o multipistas, a “uve”, a piscina de olas ou incluso o jacuzzi, foron algunhas das atraccións das que os máis novos poideron gozar ao longo de todo o día.
Esta actividade é unha das que máis aceptación ten por parte dos nenos e nenas de Carral, polo que ben seguro seguirase organizando en mais ocasións.

Cartel Excursión Casa Musei Manuel María Marcelle.A Concellería de Cultura do Concello de Carral organiza, dentro das súas actividades das Letras Galegas, unha excursión na que se visitará en Outeiro de Rei a Casa Museo de Manuel María e despois do xantar o parque zoolóxico de Marcelle. Realizarase o domingo 19 de xuño.

É unha actividade recomendada para gozar en familia e na que o prezo inclúe as entradas, o xantar e o desprazamento. O importe por persoa é de 30 euros. As prazas son limitadas e o prazo para inscribirse é ata o 13 de xuño.

Para obter máis información e formalizar a inscrición, as persoas interesadas deben dirixirse á Casa da Cultura.

Cartel Excursión Casa Musei Manuel María Marcelle.La Concejalía de Cultura del Ayuntamiento de Carral organiza, dentro de sus actividades de las Letras Galegas, una excursión en la que se visitará en Outeiro de Rei la Casa Museo de Manuel María y después del almorzar el parque zoolóGico de Marcelle. Se realizará el domingo 19 de junio.

ES una actividad recomendada para disfrutar en familia y en la que el precio incluye las entradas, el almuerzo y el desplazamiento. El importe por persona es de 30 euros. Las plazas son limitadas y el plazo para inscribirse es hasta el 13 de junio.

Para obtener más información y formalizar la inscripción, las personas interesadas deben dirigirse a la Casa de la Cultura.

A OMIX de Carral, organiza unha excursión á Warner (Madrid), os vindeiros días 20, 21 e 22 de maio.

A saida realizaráse desde a Casa da Cultura o venres día 20, ás 22:00 h. e o regreso sería o mesmo lugar o domingo arredor das 19:30 h.

A viaxe inclúe o transporte, aloxamento con media pensión para o sábado, a entrada ó parque temático, así coma a comida do domingo e os monitores.

Os prezos varian segundo a idade do participante. Para os nenos e as nenas de entre 5 e 12 anos (que deberán ir acompañados/as dun adulto) o prezo é de 70 €, para os rapaces e rapazas de entre 13 e 17 anos o prezo é de 80 €, e de 18 en adiante de 122 €.

As prazas son limitadas e o prazo de incrición remata o 2 de maio. Apresúrate!

Para inscricións e máis información na OMIX (primeiro andar da Casa da Cultura, e no teléfono 981.67.25.80)

 

Cartel