SESIÓN DE CONTOS DEDICADA AOS BEBÉS
A bibliotec
a municipal da Casa da Cultura acollerá o vindeiro xoves 31 de marzo, ás 18:00 h, “OS CONTOS DO CHUPETE” de Migallas Teatro. É unha función para bebés (0 a 3 anos) incluída no programa “Ler conta moito”.
Os contos do chupete é unha sesión de contos para bebés na que se integran música en directo, literatura infantil, expresión dramática e tradición oral. Os cativos poderán chuchar contos, canción e arrolos ata encher a barriguiña nesta proposta para bebés na que gozar en familia.
As localidades para asistir a esta sesión de contos son limitadas. Será necesario retirar previamente un convite de balde na Casa da Cultura a partir do martes 29 de marzo.
