SERGUDE ACOLLE UNHA CHARLA INFORMATIVA SOBRE SUBVENCIÓNS PARA VIVENDAS DO CAMIÑO

posted in: Novas Concello | 0

O Instituto Galego de Vivenda e Solo a través de Xestur, e o Concello de Carral organizan unha charla informativa sobre as subvencións para vivendas nas parroquias polas que transcorre o Camiño Inglés de Santiago. As parroquias beneficiarias son Tabeaio, Sergude, Cañás e Beira.

A charla terá lugar no local social de Sergude o martes 15 de marzo, ás 17:00 h. Na mesma ofrecerase completa información das axudas que se poden solicitar para a rehabilitación e mellora de vivendas nestas localidades.