O BAR TAPETEO DE O TEMPLE ACADOU O DOBRETE DE LIGA E COPA.
O equipo cambrés fíxose co trofeo de campión tanto da liga regular como da Copa na 2ª edición desta competición organizada polos Concellos de Cambre e Carral.
CAMPIÓNS. BAR TAPETEO O TEMPLE (CAMBRE)
Este venres 22, desde as 21.00 h disputáronse no pavillón de Espiño os encontros da fase final da Copa da liga de Fútbol sala Cambre-Carral.
Este torneo naceu hai xa dous anos por iniciativa dos Concellos de Cambre e de Carral que, con motivo da gran afección ao fútbol sala existente en ambas as localidades, coordinaron a posta en marcha dunha competición entre varios equipos de ambos os concellos.
Nesta tempada 2017/2018, o torneo constou dunha fase de Liga que se disputou desde o mes de decembro e comezos do mes de maio. Dos resultados desta liga conformouse a competición de Copa que tivo lugar desde mediados de maio ata este venres no que se celebran as fases finais.
Así a xornada do venres, comezou ás 21.00 h coa loita polo terceiro e cuarto debido a que enfrontou ao Sementeira contra a Barbería de Pablo (ambos de Cambre). Un partido moi igualado sobre todo na primeira parte, que se decantou finalmente por 3-2 a favor do Sementeira, cun gol de falta no último minuto do partido.
EQUIPOS FINALISTAS. BAR TAPETEO E CAUGCA CERVANTES
A continuación, deu comezo Final que enfrontou ao Cauca Cervantes de Carral contra o Bar Tapeteo de O Temple. Os de Cambre (favoritos para levar o título) inauguraron o marcador xa na primeira parte do encontro. Con todo, os carraleses non llo puxeron fácil e mantiveron un sufrido empate a 2 tantos ata os últimos minutos do partido, nos que a calidade individual dos xogadores do Bar Tapeteo con dous goles nos últimos instantes do encontro, deulles a vitoria cun marcador de 4 goles a 2.
Ao terminar o partido da final, sobre as 22.50 h fíxose entrega dos trofeos tanto da liga como da Copa.
No campionato de Liga, os galardoados foron:
- Atlético Carral: Equipo menos goleado con 41 goles en contra.
- No xogador máximo goleador produciuse un empate a 39 tantos cada un:
- Francisco Javier Ares da Torre (Bar Tapeteo)
- Miguel Iglesias García ( Sementeira)
- BAR TAPETEO DE O TEMPLE: CAMPIÓN DA LIGA CON 46 PTOS.
En canto ao campionato de Copa, os premiados foron:
- TERCEIRO POSTO: Sementeira de Cambre
- SUBCAMPIÓN: Caugca Cervantes Carral
- CAMPIÓN: BAR TAPETEO de O Temple (Cambre).
A entrega dos trofeos correu a cargo dos concelleiros de deportes de Cambre e Carral, Brais Cubeiro e Rubén Regueira Moar.
Fotos
