II TORNEO DE PÁDEL DE CARRAL

posted in: Novas Concello | 0

Na primeira edición foron un total de 16 as parellas inscritas.

 

Cartel Torneo PádelO venres 7, o Concello de Carral abre o prazo de inscrición para o II Torneo de Pádel de Carral. Na primeira edición, celebrada entre setembro e outubro do 2016, foron un total de 32 xogadores os inscritos nesta competición que se desenvolveu en parellas e de forma mixta.

 

O torneo desenvolverase durante o mes de agosto nas pistas municipais situadas no Complexo Deportivo de Carral. Nas primeiras semanas disputarase a fase de liguiña, de cuxos resultados sairá o cadro eliminatorio, disputándose a final do torneo o sábado 2 de setembro en horario de tarde.

 

Os partidos disputaranse en horario de tarde-noite, podendo modificarse os horarios sempre co acordo entre os xogadores enfrontados.

 

O obxectivo desta competición é o fomento do deporte entre a poboación adulta, así como posibilitar a práctica de novas modalidades deportivas aos habitantes de carraleses. Por iso, a participación no torneo terá un carácter gratuíto.

 

Para todos aqueles que desexen máis información ou inscribirse na competición, poden facelo ata o 22 de xullo, dirixíndose ao Complexo Deportivo de Carral, no 981.67.25.80 ou no mail deportes@carral.es.