CASE 70 ARQUEIROS/AS PARTICIPARON NO TORNEO DE CARRAL
O municipio carralés celebrou este sábado a 11ª edición deste torneo do Nadal.
O sábado 22 de decembro, disputouse no pavillón do Espiño de Carral a undécima edición do Trofeo de Tiro con Arco Concello de Carral. Este evento foi organizado polo club Arqueiros do Adarve coa colaboración do Concello de Carral. O seu principal obxectivo é o fomento dunha práctica deportiva saudable entre os máis novos. Nel inscribíronse 68 porteiros/ as distribuídos en 12 escolas/clubs deportivas de diversos puntos da xeografía galega como A Coruña, Teo, Arzúa, Ordes, Laracha, Vimianzo, Betanzos, Corme, Ponteceso, San Ciprian Lugo e, por suposto, o club de tiro con arco Adarve de Carral.
O evento comezou sobre as 17.00 h. con porteiros de idades comprendidas entre os 7 e os 65 anos. A competición, cun formato por puntuación, constou de 7 categorías que agruparon a todos os arqueiros; Esquío, Benxamíns, Alevíns, Infantís, Cadete, Noveis e Sénior (todas elas masculino e feminino).
Despois dunha hora e media de competición, os resultados foron os seguintes:
Campión esquio……………………………. Nicolás Insua González – Vimianzo (297 ptos)
Campioa esquio……………………………. Nelia Illodo García – Teo (219 ptos)
Campión benxamín……………………….. Julián Santamaría López – Lugo (321 ptos)
Campioa benxamín………………………. Antía Perez Vicente – Laracha (291 ptos)
Campión alevín…………………………….. Hugo Piña Insua – Carral (242 ptos)
Campioa alevín……………………………. Lara Díaz Martínez – Guitiriz (285 ptos)
Campión infantil……………………………. Francisco Carballeira Vieites – Adarve (310 ptos)
Campioa infantil……………………………. Lourdes Loureiro Casás – Laracha (258 ptos)
Campión cadete…………………………… José Vázquez Blanco – Laracha (206 ptos)
Campioa novel feminina………………… Altair Piña Insua – Carral (262 ptos)
Campión novel masculino……………… José Manuel Piña Pena – Carral (300 ptos)
Campioa sénior feminina……………….. Ana Villar Fernández – Lugo (281 ptos)
Campión sénior masculino……………… Santiago Castro Fernández – Guitiriz (317ptos)
Ao terminar o acto, ao redor das 19.15 h, todos os participantes puideron degustar uns ” entremeses” ofrecidos polo club Adarve, mentres os xuíces do acto ditaminaban as puntuacións finais. Unha vez aclarados os postos dos porteiros, o concelleiro de deportes, Rubén Regueira Moar, fixo entrega dos trofeos aos mellores en cada categoría
