A BIBLIOTECA OFRECE UN NOVO CONTACONTOS O 31 DE XANEIRO

posted in: Novas Concello | 0

A compañía Trinketrinke Teatro será a encargada de ofrecer unha nova sesión de animación á lectura na Biblioteca municipal. Nesta Avidanaselvaocasión o título do conto que centrará o espectáculo é “A vida na selva”. É unha sesión para nenas e nenos de 3 a 8 anos.

O contacontos terá lugar o xoves 31 de xaneiro, ás 18:00 h. na Biblioteca da Casa da Cultura. O aforo é limitado e é necesario retirar previamente as entradas, que son de balde. Poden retirarse nas bibliotecas a partir do luns 28 de xaneiro.